Isaiah 5:26 - De Beebaa Dabu

²⁶ Ia e hagaduu age naa dahi hagailonga ange gi denga huaahenua mmao, ia e hagavogi ange gi gilaadeu i luu bido o henua i lalo, gai tilo, gilaadeu e hagamoolau mai naa ma de hakemo mai!

Isaiah 5:26 Referans Kwoze

Zechariah 10:8

Au e hagavogi ange naa ga hagabuni mai ai gilaadeu. Au e hagaola naa donu gilaadeu; gai gilaadeu e hagadili naa ga soa bei olaadeu dagodo i mua.

Isaiah 7:18

De laangi laa gai Tagi Maolunga e hagavogi e hagahi ai denga lango mai i denga saalingaa vai mmao o Egypt, ma denga lango hai hooni mai i de henua o Assyria.

Isaiah 18:3

Goodou dangada alodahi o henua i lalo, go dangada e nnoho i honga de henua, de masavaa naa huu e hagaduu age ai de hagailonga i honga de mounga, gai goodou gu gidee, gai de masavaa naa huu e ili ai de hanga manu, gai goodou gu langona.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Habakkuk 1:8

Alaadeu hoosa e kemo ange i denga leopard, gai e hagamaatagu ange i denga wolf i de ahiahi boo. Olaadeu hagabuulinga hebagi e hagassoe mai donu huu; olaadeu daane i honga hoosa e loomai i de mommee mmao. Gilaadeu e bei de igele e hagatili iho laa ga kadi dahi manu;

Joel 2:7

Gilaadeu e saavini bei denga daane dau o de hebagi, gilaadeu e kage i de buibui bei denga daane hebagi. Dahi ma dahi e seesee donu huu i dono duulanga, e dee daa donu gi de baasi.

Lamentations 4:19

Dangada e dolohia gimaadeu e kemo ange i denga igele i lo te langi i lunga; gilaadeu e doolohi gimaadeu i honga denga mounga, ma de mmuni e tali ai gimaadeu i lodo henua.

Jeremiah 51:27

Hagaduulia age dahi hagailonga i honga de henua, gai ilihia de hanga manu i denga huaahenua. Hagadaabena ina denga huaahenua e hebagi ange gi de ia; gai hagahia de nohoanga hodooligi o Ararat, ma Minni, aama Ashkenaz. Hilia tagi o denga daane hebagi gi hebagi ange gi de ia, gai gaamai denga hoosa lagolago bei denga itebuubuu.

Jeremiah 5:15

Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Isaiah 39:3

Dua mee laa gai de pelaabisi go Isaiah ne humai gi daho de hodooligi go Hezekiah, ga hai ange gi de ia, “Aahee muna a denga daane laa ne hai adu gi de goe? Gai go hee olaadeu ne loomai ai laa?” Gai Hezekiah ga hai ange, “Gilaadeu ne loomai i de henua mmao go Babylon.”

Isaiah 30:16

Goodou e hagataba, ‘E deai, gimaadeu e kage naa i honga hoosa e saavini ai ga hulo gee.’ Deenei ai, goodou e saavini naa ga hulo gee! Goodou e hagataba, ‘Gimaadeu e saavini naa ga hulo i denga honga hoosa kemo.’ Deelaa ai, gilaadeu e dolohia goodou ni dangada kemo mmao!

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Isaiah 13:2

Hagaduulia age dahi hagailonga i honga dahi duuduu malaelae, gai oo ange gi gilaadeu, ma de aloalohagi ange gilaadeu gi loomai gi ulu i haitoga o de gau aamua.

Psalm 72:8

Ia e hodooligi naa mai dahi dai ga dae ai gi tai ange laa, ma mai i ssaalingaa vai go Euphrates ga dae ai gi de bido laa o henua i lalo.

Psalm 60:4

Aagai koe gu hagaduu age dahi hagailonga ange gi gilaadeu e maatagu i de goe, gi maua ai e gilaadeu i de hulo e mmuni i de mee hholu. Selah

Isaiah 10:3

Gai ni aha naa oodou e hai i de laangi o de hagaduasala, ma de masavaa e dae mai ai de hai ngadaa i de mommee mmao? Go daho ai oodou e hulo gi balea adu goodou? Gai go hee naa donu oodou e dugu ai oodou goloa lagolago?

Isaiah 13:3

Au gu tala ange gi ogu dangada dabu; au gu hagahi ogu daane hebagi gilaadeu gi hagasula ina dogu bole — go gilaadeu e malangilangi i dogu kii.

Isaiah 13:4

Hagalaangona adu, de hagalongaa mai honga denga mounga, bei de hevaalogi o dangada soa mmao! Hagalaangona adu, de hellumi o denga nohoanga hodooligi, bei de hagabuni o denga huaahenua! Tagi o denga hagabuulinga hebagi gu hagabuni dono hagabuulinga e hebagi.

Isaiah 31:9

Delaadeu mommee buibui makaga e lilo naa i hiidinga o de mee hagamaatagu; gai olaadeu dagi e maatagu naa i delaadeu gidee de hagailonga o de hebagi,” go Tagi Maolunga e hagadaba, go de ia niiana de ahi i Zion, go de ia niiana de ahi ula mmahi i Jerusalem.

Ezekiel 38:17

E hagadaba de Ia Aamua go Iahweh: E aha, e dee go koe aagu gu tala laa oo dagodo i daho ogu dangada hai hegau go denga pelaabisi o Israel? Laangi laa gai gilaadeu ne tala pelaabisi bolo au e gaamai naa goe gi hai baasi ange gi gilaadeu.