Isaiah 5:14 - De Beebaa Dabu

¹⁴ Deelaa ai, de mommee o de gau maakau gu hhanga dono ngudu ma gu laumalie, e holo ai de gau maolunga o Jerusalem ma ono hagabuulinga soa, aama alodahi e daonga ma de hagalongaa i kilaa.

Isaiah 5:14 Referans Kwoze

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Habakkuk 2:5

E dahi ange mee, denga uvaini e hagasenga ia; ia e lodo maolunga gai e dee hagamabu donu. Go hiidinga dono nnoo hagamau mee e bei de mommee o de gau maakau, gai e bei de magau e dee maua laa gi lava ana dangada e kave; ia e hagabudu denga huaahenua alodahi, ma de hagadee kii denga huaadangada alodahi.

Proverbs 30:16

go de mommee o de gau maakau, go de hine e dee maua gi haanau, go de gelegele e dee maua laa gi lava vai iai, aama de ahi e dee haihai laa ga hagataba, “Gu lava!”

Matthew 7:13

“Goodou ulu i de haitoga mada damaa mee, go hiidinga de haitoga e hano laa ga duu ange gi de hagaduasala e mada laumalie ma de lahalaha, gai e soa dangada e ulu ai.

Proverbs 27:20

De mommee o de gau maakau ma Abaddon e dee maua donu gi hoohonu, gai luu ganomada o tangada e dee maua hogi gi lava ana mee e tilo.

Psalm 55:15

Mee naa gi moolau delaadeu maakau; gai gi mouli ga hulo ai gi de mommee o de gau maakau; de baubau e dagodo i olaadeu mommee nnoho ma olaadeu lodo!

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Isaiah 14:9

De mommee o de gau maakau i lalo de gelegele gu hidi age e hedae adu gi de goe i doo dae gi kilaa; hagasaalunga o de gau maakau gu hiihidi age e hedae adu — gilaadeu alodahi nogo dagina henua i lalo; gu hai gi hiihidi age mai i olaadeu nohoanga — go gilaadeu alodahi nogo hodooligi i denga huaahenua.

Luke 17:27

Dangada ne gaimee ma de unu, gai gilaadeu ne hai bodu aama de gaavange gi hai bodu, ga dae ai gi de laangi o Noah ne ulu ai i de vaga hale, gai tolona ga humai ga daa gilaadeu alodahi gu maakau.

Isaiah 21:4

Ogu lodo gu manavasaa, gai au gu bolebole i dogu madagu; de maalama aagu e tali laa gu sui ma gu se mee hagamadagu mai gi de au.

Proverbs 1:12

gidaadeu ga hai gilaadeu gi bei dangada e loiho laa gi de mommee o de gau maakau, gilaadeu alodahi gi bei dagodo o dangada e loiho laa gi lo te geelonga o de gau maakau;

Psalm 49:14

Gilaadeu gu paba ange laa e daa gi maakau bei dagodo o denga ssiibi; de magau e hagaloosi ange gilaadeu. Aagai de gau heohi e hagadee kii naa gilaadeu i taiao; olaadeu angaanga e pobo naa i lo te daanunga, gilaadeu gu mmao gee mai i olaadeu hale danuaa.

Daniel 5:30

De boo laa gai Belshazzar, de hodooligi o de gau Babylon ne daia ga magau,

Nahum 1:10

Gilaadeu e vinia naa i magavaa manu daladala, bei de gau ssenga e unumia laa uvaini; gilaadeu e dudu naa donu ga odi, bei denga helii mmasa.

Isaiah 14:11

Doo mahamaha alodahi gu tili iho gi de mommee o de gau maakau, madali leo o au harp e hagadangidangi ai; denga ilo gu tolo i doo mommee e dagodo ai, gai gu haoli doo angaanga alodahi.

Isaiah 24:8

Gai gu tuu de malangilangi ma de hagadangidangi i denga tambourine; gu tuu hagalongaa o dangada e haia daonga, gu dee hagadangidangi i denga harp ma de malangilangi.

Ezekiel 7:12

De masavaa gu dae mai, gai de laangi laa gu dae mai donu. Tangada e hagao mai ana mee gi dee malangilangi, gai tangada e hagao ina ana mee gi daha gi dee daemaha, go hiidinga de bole ⌊o de Maadua⌋ gu dagodo donu, i honga ono dangada soa laa.