Isaiah 49:9 - De Beebaa Dabu

⁹ ma de hai ange gi gilaadeu i lo te hale pono, ‘Goodou ssao mai!’, gai e hai ange gi gilaadeu e nnoho i lo te gohu, ‘Ssao mai gi de maalama!’ Gilaadeu e bei naa denga ssiibi e gaimee i gaogao denga haiava, ma de gidee mommee iai helii i honga duuduu.

Isaiah 49:9 Referans Kwoze

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 42:7

e hhuge ai ganomada o dangada e dee kide laa, ma de hagassao mai ai gilaadeu e nnoho i lo te hale pono ma lo te gohu.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Isaiah 41:18

Au e hai naa gi hanu saalingaa vai e ssali iho laa i denga mommee maolunga, ma vai e ssali age i lalo de henua i lodo geelonga. Au e hai naa de vao gi se mommee iai denga vai, gai de mommee mmasa gi ssali age ai vai i lalo de henua.

Isaiah 9:2

Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.

Psalm 102:20

ga hagallongo de tangi o dangada i lo te hale pono ma de hagaola gilaadeu gu hagamodu e daa gi maakau.

Psalm 69:33

I hiidinga Tagi Maolunga e hagallongo talodalo a tangada e duasala, gai ia e dee ngalo ono dangada e nnoho i lo te hale pono.

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

John 10:9

Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii.

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Luke 1:79

e hagamaalama ai gilaadeu e nnoho i lo te gohu aama lalo de malu o de magau, e dagi ange ai gidaadeu gi de haiava o de baba.”

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

Ezekiel 34:29

Gai au e hai naa delaadeu henua gi se mommee ssomo danuaa ai denga manu, gu deai ange dangada i honga de henua e maakau i de onge, gai gilaadeu gu dee hagangadi mee ina i daho denga huaahenua ange laa.

Ezekiel 34:23

Au e hili naa dahi dangada hagaloosi gi diiloo ange gilaadeu, go dogu dangada hai hegau go David, gai ia ga tilo ange ai gilaadeu, ga haangai ma de hagaloosi ange gilaadeu.

Isaiah 65:13

Deenei ai, e hagadaba de Ia Aamua go Iahweh, “Tilo, ogu dangada hai hegau e gaimee naa ga boobosu, aagai goodou e hiikai; ogu dangada hai hegau e unu naa ga boobosu, aagai goodou e hieunu, ogu dangada hai hegau e malangilangi naa, aagai goodou e hagadookaa ina naa.

Isaiah 5:17

Gai denga ssiibi gauligi e gaimee naa i kilaa bei de mommee iai helii, gai hanu dangada gee e gaimee naa i de mommee o de gau lava gu maoha laa.

Psalm 146:7

Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

Deuteronomy 32:13

Ia ne hai gilaadeu gi saavini laa honga denga mommee maolunga o de henua, ma de gai hua o denga manu ssomo i lo te duu malaelae; ia e haangai ange gilaadeu i denga hooni lo te baba, aama lolo o denga olive i lodo hadu makaga.

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Leviticus 25:54

Gai noo tangada tee maua i de hagao ia i mee nei, gai gilaadeu ma ana dama e dugu gi hulo i de ngadau o de jubilee.