Isaiah 49:7 - De Beebaa Dabu

⁷ E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Isaiah 49:7 Referans Kwoze

Matthew 26:67

Aagai gilaadeu ga savasavale ange gi luoono mada, ma de dugidugi ia i olaadeu lima. Gai hanu ne hagailiili ia,

1 Peter 2:4

Goodou loomai gi de ia, go ia de hadu e mouli laa — ne tili gee laa i daho dangada, aagai de Maadua ne hili ia ga hai gi se hadu hagamogomogo —

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

Isaiah 49:1

Denga modu, goodou nnoho mai hagalaangona, denga huaadangada i mommee mmao, goodou hagalaangona de mee nei. I mua dogu haanau, gai Tagi Maolunga ne hagahi au; ia ne hagahi mai dogu ingoo i de masavaa oogu ne haanau ai.

Zechariah 11:8

Gai au ne daa ga maakau de gau hagaloosi dogodolu laa i e dahi malama. Au tee maua de golomagi ogu lodo i gilaadeu, gai gilaadeu ne kino i de au.

Isaiah 52:15

gai ia e hai naa ga llele mouli denga huaahenua soa, denga hodooligi e pono naa olaadeu ngudu i ono hiidinga. Gilaadeu e gidee naa mee tee tala ange gi gilaadeu, gai e tonu ange naa gi mee alaadeu tee langona.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

John 19:15

Gai gilaadeu ga hevaalogi ga hai ange, “Gaavee gee ia, gaavee gee ia, daudau ina ia i de laagau lui!” Pilate ne ssili ange gi gilaadeu, “Goodou e llodo au gi daudaulia doodou Hodooligi i de laagau lui?” Gai de gau haimeedabu maolunga ga hai ange, “E deai ange donu semaadeu hodooligi, go Caesar donu huu.”

Luke 23:35

Aagai dangada ne tuu ga haaina ia, gai dagi o de gau Ssuu ga doo mee i de ia, ga hagataba, “Ia ne hagaola dangada ange laa; ia gi hagaola ina ia, noo go ia de Klisdo a de Maadua, de ia aana gu hili!”

Luke 23:23

Aagai gilaadeu ga kii ange donu de usuusu ange ia ma de hevaalogi ga hai ange bolo gi daudau ina ia i de laagau lui, gai gu sula de mee olaadeu e hevaalogi ai laa.

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Isaiah 60:3

Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Isaiah 48:7

Mee nei ne hai donu iainei, e dee go madagidagi; gai koe tee langona donu mee nei i mua, gi dee hagadaba ai goe, “Uaa, au gu iloo donu mee nei.”

Psalm 68:31

De gau aamua o Egypt e loomai naa; Ethiopia e ino ange naa gi de Maadua.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

John 19:6

De masavaa huu a de gau haimeedabu maolunga ma de gau hagaloosi ne gidee ai ia, gai gilaadeu ga hevaalogi, ga hagataba, “Daudau ina ia i de laagau lui, daudau ina ia i de laagau lui!” Pilate ne hai ange gi gilaadeu, “Goodou gaavee ia daudau ina i de laagau lui, gai au tee gidee donu dahi haisala daudahi i ono daha.”

John 18:40

Gilaadeu ne hevaalogi hogi ga hai ange, “E dee go ia, gai go Barabbas!” Gai Barabbas se daane gaiaa.

Luke 23:18

Aagai dangada alodahi ga hevaalogi ga hai ange, “Daia gi magau taane naa! Gai hagasao ina mai Barabbas!”

Luke 22:27

Goai tangada maolunga, go tangada e hakaogao laa i teebele aabe go de ia e gaamai gai gi teebele? Gidaadeu e iloo bolo go de ia e hakaogao laa ma e gaimee. Aagai au e noho i oodou magavaa bei dagodo o tangada hai hegau.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Psalm 69:19

Koe e iloo dogu hagangadi mee ina, ma dogu hagadogaa ina aama dogu dee hagadubulia; gai koe e iloo ogu hagadaumee alodahi.

1 Corinthians 1:9

De Maadua e hai hegau i de mee abodonu, gai go ia ne hagahia goodou ga hai gi dahi madali dana Dama, go Iesu Klisdo taadeu Dagi Maolunga.

Genesis 27:29

Gai gi soa huaahenua e hai hegau adu gi de goe, gai denga huaahenua gi ino adu gi de goe. Gai go koe gi dagina oo daina, gai dama a doo dinana gi ino adu gi de goe. Dangada e hagamalaia ina goe gi maalaia naa, gai gilaadeu e hagamanuuia ina goe e manuuia naa.”

Deuteronomy 7:9

Deenei ai, goodou gi iloo bolo Tagi Maolunga doodou Maadua go de Maadua donu; ia e hai hegau i de muna abodonu, gai e daohi dana hagatoo donu hagaheloongoi ma de aloha ange gi gilaadeu e aaloha i de ia, ma de daudali i ana muna, ga dae ai loo gi de mano atangada.

Psalm 47:9

De gau aamua o denga huaahenua gu hagabuni madali dangada o de Maadua o Abraham, go hiidinga denga mee hungihungi i henua i lalo nii de Maadua; ia e hai naa ga aamua mmao!

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 19:21

Gai Tagi Maolunga e hai naa gi iloo e de gau Egypt ono dagodo, gai gilaadeu e iloo naa Tagi Maolunga i de laangi laa. Gilaadeu e daumaha naa ma de hai denga sigidaumaha dudu ma sigidaumaha o grain; gilaadeu e hagatoo donu ange naa gi Tagi Maolunga ma de hagassula alaadeu hagatoo donu.

Isaiah 19:23

De masavaa laa gai e dahi haiava laumalie e humai naa i Egypt ga hano gi Assyria. De gau Assyria e loomai gi Egypt, gai de gau Egypt e hulo gi Assyria. Gai de gau Assyria ma de gau Egypt e hagabuni naa ga daumaha.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 66:23

Mai i de duu o de maasina i dai ga dae ai gi de ahe ange ga duu, ma mai i dahi Sabbath ga dae ai gi dahi Sabbath, gai dangada alodahi e loomai naa ga daumaha mai gi de au, go Tagi Maolunga e hagadaba.