Isaiah 49:25 - De Beebaa Dabu

²⁵ Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Isaiah 49:25 Referans Kwoze

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Isaiah 54:13

Gai au dama alodahi e agoago naa i daho Tagi Maolunga, gai au dama e laumalie naa delaadeu nnoho paba.

Zechariah 14:12

Gai deenei de mee hagamaakau a Tagi Maolunga e hagaduasala ai denga huaahenua ne hebagi ange gi Jerusalem: olaadeu angaanga e daamada naa de pobo i de masavaa olaadeu goi tuu ai gi lunga, olaadeu hadu mada e pobo naa i lodo olaadeu duulanga, olaadeu alelo e pobo naa hogi i lodo olaadeu ngudu.

Isaiah 14:2

Denga huaadangada e kave naa gilaadeu, ga hagaahe gi delaadeu mommee donu. Gai de gau Israel e henua naa i denga huaahenua, bei denga daane ma haahine hai hegau, i de henua o Tagi Maolunga. Gilaadeu e hagadee kii naa dangada ne hagadee kii ina gilaadeu ma de dagi gilaadeu nogo vaivai haia gilaadeu.

Isaiah 10:27

De laangi laa gai dana mee e hagauda adu gi oodou eu e aau gee naa, gai dana laagau hagahai hegau e hagauda adu e hadi naa, i hiidinga goodou gu pedi.”

Genesis 12:3

Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga.”

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

Zechariah 9:11

Gai oodou dagodo, go hiidinga dagu hagatoo donu hagaheloongoi ne hai i dodo, deenei ai, au e hagassao mai naa oodou dangada i lo te geelonga e deai vai iai.

Jeremiah 29:10

Gai e hagadaba Tagi Maolunga: De masavaa naa huu e odi ange ai de madahidu ngadau, gai au ga hanadu gi oodou daha, ga hagassula mee danuaa alodahi aagu gu hagatoo donu adu ai gi goodou, ga hagaahe mai goodou gi de mommee nei.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Galatians 4:26

Aagai Jerusalem i de langi laa e ilaage, deenei tinana odaadeu alodahi.

Zechariah 14:3

Gai Tagi Maolunga e hano naa ga hebagi ange gi denga huaahenua, bei de hai de hebagi i de laangi o taua.

Mark 3:27

Aagai e deai hogi e maua i de ulu i de hale o taane mmahi e kave ai ono goloa, aagai ia e nnoa taane mmahi laa i mua. Gai ia ga maua i de gaiaa mee i dono hale.

Psalm 35:1

Tagi Maolunga, hai baasi ange gi gilaadeu e hai baasi mai gi de au; ma de hebagi ange gi gilaadeu e hebagi mai gi de au.

Isaiah 5:29

Gilaadeu e hagangolo bei de laiono, ma denga laiono mmahi; gilaadeu e hagangolo i de maua dahi manu, ga kave gee gai e deai donu e maua i de hagaola.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 19:20

Gai de mee laa se hagailonga gai se mee e tala ai dagodo o Tagi o denga hagabuulinga hebagi i de henua go Egypt. Gai de masavaa naa huu olaadeu e tangi ange ai gi Tagi Maolunga i hiidinga delaadeu vaivai haia, gai ia e gaamai naa dahi gi balea ange ma de hagaola gilaadeu.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 51:22

e hagadaba doo Ia Aamua go Iahweh, gai go doo Maadua, e balea ange laa ono dangada: “Tilo, au gu kave gee mai i lo too lima de ubu oodou ne unu ai ga ssenga; goodou e dee aahe ange naa donu ga unu i de ubu nei, go de ubu o dogu bole.

Jeremiah 15:21

Au e hagaola naa goe mai i de gau baubau ma de hagaola goe mai i de gau alasala.”

Nahum 2:13

“Tilo, au e hai baasi adu gi de goe, go Tagi o denga hagabuulinga hebagi e hagadaba. Au e dudu naa oo hada hebagi, gai au laiono mmahi e daa naa ga maakau i de gadilaasa. Au e kave gee naa mee alodahi aau ne mau i henua i lalo. Gai leo o oo dangada hagailoo e deai naa donu dangada e langona.”

Leviticus 25:54

Gai noo tangada tee maua i de hagao ia i mee nei, gai gilaadeu ma ana dama e dugu gi hulo i de ngadau o de jubilee.

Isaiah 51:14

Dangada gu hhao gi lo te hale pono gu dai ssao mai naa; gilaadeu e dee maakau naa donu i lo te hale pono, aabe e deai alaadeu gai.

Jeremiah 31:11

Gai Tagi Maolunga e hagaola naa Jacob, mai i ssauaa o dangada e mmahi ange i gilaadeu.