Isaiah 49:20 - De Beebaa Dabu

²⁰ Au dama ne hagadili i de masavaa oou ne hagaduasala ai, e tala adu naa gi langona e goe, ga hai adu, ‘De mommee nei e dee dohu ai gimaadeu; gaamai ange hanu mommee e nnoho ai gimaadeu.’

Isaiah 49:20 Referans Kwoze

Matthew 3:9

Gai goodou aude hagataba, ‘Gimaadeu ni dama nii Abraham’. Au e hai adu gi goodou, de Maadua e maua donu i de hai hadu nei e hai ai dama a Abraham!

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Isaiah 60:4

Dangage age ma gi galogalo saele mage diiloo: gilaadeu alodahi gu hagabuni e loomai gi oo daha. Au dama daane e loomai naa i de mommee mmao, gai au damaa hine e saabai i honga dono dege.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

2 Kings 6:1

De masavaa laa gai de hagabuulinga o denga pelaabisi ne hai ange gi Elisha, “De mommee odaadeu e nnoho ai nei e dee oo ai gidaadeu.

Isaiah 29:23

Gai ga gidee naa huu e gilaadeu alaadeu dama, go gilaadeu aagu ne hai i olaadeu magavaa, gai gilaadeu ga hagadabu dogu ingoo; gilaadeu e tala naa bolo de Ia Dabu o Jacob e dabu, gai gilaadeu e maatagu naa i de Maadua o Israel.

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.

Zechariah 10:10

Au e hagaahe mai naa gilaadeu i de henua go Egypt, ma de hagabuni mai gilaadeu i Assyria. Au e hagaahe mai naa gilaadeu gi Gilead ma Lebanon, ga dae ai gi delaadeu dee oo i luu mommee laa.