Isaiah 49:16 - De Beebaa Dabu

¹⁶ Tilo, au gu maaga ange goe gi honga luoogu alohi lima, gai au e daumada doo buibui i masavaa alodahi.

Isaiah 49:16 Referans Kwoze

Haggai 2:23

De laangi laa, go Tagi o denga hagabuulinga hebagi e hagadaba, gai au e hai naa goe, Zerubbabel, dogu dangada hai hegau, tama daane a Shealtiel, go Tagi Maolunga e hagadaba, gi bei dagodo o dogu buulei hagailonga, go hiidinga au gu hili goe, go Tagi o denga hagabuulinga hebagi e hagadaba.”

Isaiah 62:6

Jerusalem, au gu dugu denga daane dagitilo i honga doo buibui; gai gilaadeu e dee hagapuni naa donu olaadeu ngudu i de laangi ma boo. Goodou e dalodalo ange laa gi Tagi Maolunga, goodou aude damaa hagammabu donu,

Isaiah 60:18

Gu deai naa donu dangada alasala e gidee i doo henua, e deai mommee e ngadi daakodo ma de maoha i doo henua, aagai koe e hagaingoo ange naa doo buibui go de Hagaola, gai e hagaingoo ange oo haitoga go de Tuhi.

Song of Songs 8:6

Haia au bei de mee dau i honga doo hadu manava, ma de maaga i honga doo lima; go hiidinga de aloha e mmahi bei de magau, gai dono maagoda e bei de mommee o de gau maakau. Gai e dudu bei de ahi mmahi, gai dono ula e mmahi mmao.

Isaiah 26:1

De laangi laa gai dangada e hua naa taahili nei i de henua o Judah: Demaadeu aduhale e makaga; de Maadua ne hagatuu ono buibui ma ono mee hagamakaga e hagaola ai.

Exodus 13:9

Gai de mee nei e bei de hagailonga e nnoa ange laa gi honga oodou lima aama honga oodou lae, gi manadua ai e goodou de hainga a Tagi Maolunga gai goodou ga tala ai, i hiidinga Tagi Maolunga ne hagassao mai goodou i Egypt i dono lima sauaa.

Isaiah 54:12

Au e hai naa oo hale maolunga i denga agate gai e hai oo haitoga i denga jewel malamalama, gai oo buibui alodahi i denga hadu hagamogomogo.

Jeremiah 22:24

Au e hagatoo donu i dogu mouli, go Tagi Maolunga e hagadaba, e dee galemu donu koe, Jehoiachin tama daane a Jehoiakim, de hodooligi o Judah e bei de buulei i dogu lima, gai au e unusi mai naa donu goe i dogu lima.

Isaiah 62:7

gai gi dee dugua ange ia gi hagamabu ga dae ai gi dana hagaahe age Jerusalem, ma de hai gi se mommee e tuhi hagadanuaa i henua i lalo.

Jeremiah 17:1

“Haisala o Judah gu hagadaakodo i dahi biini baalanga, ma de sisi i dahi mada kangi bei de diamond, gai gu maaga ange gi olaadeu lodo, aama honga hanga i dege o olaadeu mommee o ssigidaumaha.