Isaiah 49:15 - De Beebaa Dabu

¹⁵ E aha, e maua e dahi dinana gi ngalo dana dama ne haau, aabe gi dee lodo aloha ange gi dana dama ne haanau? Gai ga ngalo naa donu e ia dana dama, aagai au e dee ngalo donu goe!

Isaiah 49:15 Referans Kwoze

Isaiah 44:21

Jacob, manadua mee nei, Israel, go koe dogu dangada hai hegau. Go au ne haia goe, go koe dogu dangada hai hegau; Israel, au e dee ngalo donu goe.

Psalm 103:13

Gai Tagi Maolunga e lodo aloha ange gi gilaadeu e maatagu i de ia, bei dagodo o tamana e lodo aloha ange laa gi ana dama.

Matthew 7:11

Deenei ai, goodou ni dangada baubau, aagai goodou e iloo i de gaavange mee danuaa gi oodou dama; gai e kii ange donu doodou Damana i de langi i de maua i de gaavange mee danuaa gi gilaadeu e dangidangi ange ai gi de ia!

Hosea 11:1

“De masavaa o Israel e gauligi ai, gai au ne aloha i de ia; au ne hagahi dagu dama ga hagasao mai ia i Egypt.

Jeremiah 31:20

E aha, e dee go Ephraim dagu dama daane hagamogomogo, go tama oogu e malangilangi ai? Gai dee galemu tee modu dogu hai baasi ange i agu muna, aagai au e dee ngalo donu ia. Deenei ai, au e buliaamou donu i de ia, au e abodonu ange naa donu gi de ia, go Tagi Maolunga e hagadaba.

Malachi 3:17

“Gilaadeu nei ni dangada niiogu, go Tagi o denga hagabuulinga hebagi e hagadaba, i de laangi aagu e hai ai agu hegau. Gai au e hagaola naa gilaadeu, bei de hai a tamana e hagaola ai dana dama e hai hegau ange laa gi de ia.

Lamentations 4:10

Denga haahine e aaloha laa i alaadeu dama gu boale alaadeu dama ma gu hai ai alaadeu gai, i de masavaa ne hagaduasala ai tamaa hine a ogu dangada.

Lamentations 4:3

Denga jackal e hakaa unuunu donu hogi alaadeu dama, aagai ogu dangada e vaivai hai dangada, bei hegau a denga ostrich de vao.

Romans 1:31

ma de llodo ssenga, ma tee hai hegau i de mee abodonu, ma teai olaadeu aaloha, aama tee abodonu ange gi dangada.

Leviticus 26:29

Goodou e daa naa oodou dama daane ma damaa hine ga gai.

De Beebaa go Job 24:20

Olaadeu dinana e ngalo hogi gilaadeu, gai denga ilo e gai angaanga. Dangada gu dee manadua gilaadeu, aagai gilaadeu gu sele bei de manu somo.

Psalm 27:10

Gai ga dilia naa donu au i luoogu maadua donu, aagai Tagi Maolunga ga abodonu mai gi de au.

Psalm 77:9

E aha, de Maadua gu ngalo laa dono lodo aloha? Ia gu lili nei ma gu tuu dono lodo aloha?” Selah

Proverbs 31:2

“Dagu dama, tama aagu ne haanau, tama o dagu hagatoo donu,

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 49:14

Aagai Zion e hagadaba, “Tagi Maolunga gu tili au, gai de Ia Aamua gu ngalo donu au.”

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.