Isaiah 49:14 - De Beebaa Dabu

¹⁴ Aagai Zion e hagadaba, “Tagi Maolunga gu tili au, gai de Ia Aamua gu ngalo donu au.”

Isaiah 49:14 Referans Kwoze

Isaiah 40:27

Jacob, gu aha gu hagadaba ai naa goe, Israel, gu aha gu nanu ai naa goe ma e hagadaba, “Tagi Maolunga e dee gidee donu ogu dagodo; gai dogu Maadua e dee anga ange mai donu gi dogu heohi”?

Lamentations 5:20

Gu aha goe gu ngalo ai naa gimaadeu i masavaa alodahi? Gai gu aha gu daulooloa ai naa dau tili gimaadeu?

Jeremiah 23:39

deenei ai, tilo, au e poo naa goe ga tili gee goe mai i mada luoogu mada, go goodou ma de aduhale aagu ne gaavadu naa gi goodou ma oodou dubuna madagidagi.

Psalm 31:22

Au ne hagadaba i de manavasaa ogu lodo, “Au gu aau gee mai i mada luoo mada!” Aagai koe ne langona dagu dangidangi i de masavaa aagu ne hagahi adu ai goe gi balea mai au.

Psalm 22:1

Dogu Maadua, dogu Maadua, gu aha gu tili ai naa goe au? Gu aha gu kona ai naa doo mmao gee ma dau dee hagaola dogu mouli, i dogu masavaa e mmae ai?

Psalm 13:1

Tagi Maolunga, dee hee maa taulooloa dau hagangalo au? Dee hee maa taulooloa dau hagammuni luoo mada i de au?

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 49:15

E aha, e maua e dahi dinana gi ngalo dana dama ne haau, aabe gi dee lodo aloha ange gi dana dama ne haanau? Gai ga ngalo naa donu e ia dana dama, aagai au e dee ngalo donu goe!

Isaiah 54:6

Gai Tagi Maolunga gu hagahi adu goe bei de hine gu dilia ma de daemaha ono lodo, bei de hine e hai bodu i dono masavaa se damaa hine ai, gai gu dilia, go doo Maadua e hagadaba.

Ezekiel 33:10

Gai koe, tama a tangada, hai ange gi dangada o Israel, ‘Goodou e hagataba: “Omaadeu baubau ma omaadeu haisala gu hagadaemaha gimaadeu, gai gimaadeu gu dai maakau i hiidinga o mee nei. Gai dee hee demaadeu hai e mouli ai?” ’

Jeremiah 31:3

gai Tagi Maolunga ne hakide ange gi de ia i de mommee mmao, ga hai mai, “Dogu aloha i de goe e dee ngado donu, deelaa ai, au ne duudagi de muna abodonu adu gi de goe.