Isaiah 49:13 - De Beebaa Dabu

¹³ De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 49:13 Referans Kwoze

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Isaiah 52:9

Denga mommee i Jerusalem gu ngadi daakodo laa, goodou alodahi hevaalogi daahili i de malangilangi, go hiidinga Tagi Maolunga gu hagaaneane lodo o ono dangada; ia gu hagaola Jerusalem.

Isaiah 55:12

Gai goodou e ssao naa ga hulo i de malangilangi, ma de dagina ga hulo i de baba; denga mounga ma duuduu e oo naa ga daahili i oodou mada i mua, gai denga manu ssomo alodahi o de henua e baabaa naa olaadeu lima.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

2 Corinthians 7:6

Aagai de Maadua, go de ia e hagaaneane ina lodo o dangada e daemaha laa, ne hagaaneane omaadeu lodo i de dae mai o Titus gi omaadeu daha,

Luke 15:10

Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Jeremiah 31:13

Gai denga bua moe e aanu naa i de malangilangi, madali denga dama daane aama de gau maatua hogi. Au e hai naa gilaadeu gi dee tangi gai gi malangilangi; au e hagaaneane naa olaadeu lodo ma de hai gilaadeu gi malangilangi gu dee daemaha.

1 Chronicles 16:31

De langi gi malangilangi, henua i lalo gi lodo danuaa; gilaadeu gi daalaa i daho denga huaahenua, “Go Tagi Maolunga e dagina!”

Psalm 69:34

De langi ma henua i lalo gi duuhia ia, ma tai aama mee alodahi e mouli i ono lodo.

Psalm 71:21

Koe e hai gi laumalie dogu hagadubu, ma de ahe ange ga hagaaneane ogu lodo.

Psalm 148:9

denga mounga ma duuduu alodahi, ma manu ssomo iai hua ma denga cedar alodahi;

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 48:20

Goodou hulo gee mai i Babylon, gai saavini hulo gee mai i daho de gau Babylon! Hagailoo ina de mee nei ma de oo i de malangilangi, hagadele ina de longo nei gi dae gi de bido laa o henua i lalo; hai ange, “Tagi Maolunga gu hagaola dono dangada hai hegau go Jacob.”

Isaiah 49:14

Aagai Zion e hagadaba, “Tagi Maolunga gu tili au, gai de Ia Aamua gu ngalo donu au.”

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Isaiah 54:7

Au ne tili goe i dahi masavaa bodobodo, aagai au e hagaahe mai naa goe i hiidinga dogu lodo aloha laumalie.

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Jeremiah 51:48

De langi ma henua i lalo, ma mee alodahi iai, e daahili naa ga malangilangi i de hai ange mee nei gi Babylon, go hiidinga de gau e oohaa mee e loomai naa i ngaiho ga hebagi ange gi de henua, go Tagi Maolunga e hagadaba.

Ezekiel 35:14

E hagadaba de Ia Aamua go Iahweh: Henua i lalo alodahi e malangilangi naa, gai au e hai naa goe gi se mommee e ngadi dagodo.

Psalm 65:13

Mommee iai helii gu hoohonu i denga hagabuulingaa ssiibi, gai lodo geelonga gu dohu i denga grain; gilaadeu e hevaalogi ma de malangilangi ma de daahili.

Psalm 89:13

Koe e mmahi mmao; gai doo lima madau gu haalo i doo sauaa.