Isaiah 49:11 - De Beebaa Dabu

¹¹ Au e ulu iho naa agu mounga ga hai gi ni haiava, gai agu haiava nnui e hhao age naa.

Isaiah 49:11 Referans Kwoze

Isaiah 11:16

Gai e dahi naa haiava laumalie ange gi ono dangada e doe, e aahe mai ai i Assyria, bei de hai o de gau Israel ne loomai ai laa i Egypt.

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Isaiah 57:14

Gai hanu e hagataba naa, “Hagaduulia age, hagaduulia age, hagadabena ina de haiava! Aaua gee mee e buibuia de haiava o ogu dangada.”

Isaiah 43:19

Tilo, au e hai dahi mee hoou! Gai gu sula age donu; e aha, goodou tigi tonu ange laa aagena? Au e hai naa dahi haiava i de vao, ma denga saalingaa vai i de mommee e deai vai iai.

Psalm 107:7

Ia ne dagi gilaadeu i de haiava soe ga kave gilaadeu gi nnoho i dahi aduhale.

Psalm 107:4

Hanu gilaadeu ne silivaahea saele i lodo henua, tee maua e gilaadeu gi gidee dahi aduhale e nnoho ai.

Isaiah 19:23

De masavaa laa gai e dahi haiava laumalie e humai naa i Egypt ga hano gi Assyria. De gau Assyria e loomai gi Egypt, gai de gau Egypt e hulo gi Assyria. Gai de gau Assyria ma de gau Egypt e hagabuni naa ga daumaha.

Isaiah 52:12

Gai goodou e dee hagamoolau naa donu e hulo, aabe e saavini e hulo, go hiidinga Tagi Maolunga e hano naa i oodou mada i mua, gai de Maadua o Israel e buibui naa oodou dua.