Isaiah 48:19 - De Beebaa Dabu

¹⁹ Gai oo hagadiilinga e soa naa bei de lagolago o denga gelegele, gai au dama e soa naa hogi bei de lagolago o gelegele malili; olaadeu ingoo e dee llilo naa donu, aabe aau gee mai i mada luoogu mada.”

Isaiah 48:19 Referans Kwoze

Isaiah 10:22

Israel, e dee galemu naa donu de soa oo dangada bei de lagolago gelegele i gabugabu tai, gai e sogoisi naa donu huu e aahe mai. Gai gu lava donu i de hagamodu i de heohi, bolo e daa gilaadeu gi maakau.

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Romans 9:27

Isaiah ne tala dagodo o Israel: “E dee galemu donu de soa de gau Israel bei de lagolago gelegele i gabugabu tai, gai e sogoisi naa donu huu gilaadeu e ola.

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Jeremiah 33:22

Gai au e hai naa gi soa hagadiilinga o dogu dangada hai hegau go David ma mogobuna o Levi e haia hegau a tangada haimeedabu i mada luoogu mada, bei de lagolago o denga heduu aama gelegele i gabugabu tai e dee maua laa i de dau.”

Zephaniah 1:4

Au e hagaabo naa dogu lima e hai baasi ange ai gi Judah ma dangada alodahi e nnoho i Jerusalem. Au e hai naa gi deai se mommee daumaha o Baal e doe, ma ingoo o de gau henua gee aama de gau haimeedabu o denga diinonga —

Isaiah 66:22

De langi hoou ma henua i lalo hoou aagu e hai e dee llilo naa donu, go Tagi Maolunga e hagadaba; gai e bei ai hogi doo hagadiilinga ma doo ingoo.

Isaiah 56:5

au e hai naa dahi hagamaanadu ma dahi ingoo moolaadeu i lo te temple ma lodo ono buibui, gi danuaa ange i denga dama daane ma damaa hine; au e gaavange naa gi gilaadeu dahi ingoo e dee ngado mai gai e dee maua donu gi lilo.

Isaiah 48:9

Au ne daohi dogu bole i hiidinga o dogu ingoo; au ne daohi dogu lili i de goe, gi duuhia ai au, gi dee hagalilo ina ai e au goe.

Isaiah 14:22

“Au e hidi age naa e hai baasi ange gi gilaadeu, go Tagi o denga hagabuulinga hebagi e hagadaba. Au e hai naa gi ngalo de ingoo o Babylon, ma ono dangada e ola, go denga hagadiilinga ma denga aamuli, go Tagi Maolunga e hagadaba.

Isaiah 9:14

Deelaa ai, Tagi Maolunga e tuu naa ngaadahi de biho ma ssugi o Israel, ma denga laa o de palm ma denga aalege i dahi laangi donu huu;

Psalm 109:13

Dono aamuli gi odi i de maakau; gai sooloa gi deai olaadeu ingoo mai i de atangada i olaadeu dua.

Psalm 9:5

Koe gu hagasee denga huaahenua, ma de daa gi maakau de gau baubau; koe gu hai gi dee manadua e dangada olaadeu ingoo ga hano ai e dee ngado mai.

1 Kings 9:7

gai au e aau gee naa Israel mai i de henua aagu gu gaavange gi gilaadeu, ma de tili de hale aagu gu hagadabu ange gi dogu ingoo. Gai Israel e hai naa ga se muna e hakadanga ai dangada alodahi.

Ruth 4:10

Gai au e kave hogi a Ruth de hine Moab, de bodu o Mahlon, e hai ai dogu bodu. Gai gimaau ga hai ai gi dee lilo de ingoo o demaadeu daina gu magau laa i honga dono alahenua, ma mai i daho dono huaabodu aama mai i dono aduhale. Anailaa nei gai goodou gu hai ai de gau hagadonu o mee nei!”

Joshua 7:9

Go hiidinga de gau Canaan ma dangada e nnoho i de henua e langona naa e gilaadeu mee gu hai nei, gai gilaadeu e loomai naa ga duuli gidaadeu, ga daa gidaadeu gu deai gidaadeu e doe i honga de henua. Gai aahee ai naa dagodo o doo ingoo maolunga naa?”

Genesis 13:16

Gai au e hai naa oo hagadiilinga gi soa bei de lagolago o gelegele o de henua, gai noo e maua i de dau denga gelegele o de henua, gai e maua naa hogi i de dau de soa o doo hagadiilinga.

De Beebaa go Job 5:25

Koe e iloo naa hogi bolo au dama gu soa, gai doo hagadiilinga e soa bei denga helii i honga de henua.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 44:4

Gai gilaadeu e ssomo naa i magavaa o helii, ma denga willow e ssomo laa i gaogao denga saalingaa vai.

Isaiah 54:3

Gai koe e hagalahalaha naa gi de madau ma de masui, oo hagadiilinga e hagadee kii naa denga huaahenua, gai gilaadeu ga nnoho i lodo olaadeu aduhale gu ngadi daakodo laa.

Deuteronomy 9:14

Aude buibuia ngau, gai au ga hai nei gi odi gilaadeu i de maakau gi deai ai se gilaadeu e doe i honga de henua. Gai au ga hai doo aamuli gi se huaahenua e mmahi ange ma de soa ange i gilaadeu.”