Isaiah 48:18 - De Beebaa Dabu

¹⁸ Mee naa koe ne anga ange ga hagallongo agu muna, gai doo noho baba e bei dagodo o ssaalingaa vai, gai doo heohi ne bei dagodo o denga beau o de moana.

Isaiah 48:18 Referans Kwoze

Deuteronomy 5:29

Mee naa gi deenei dagodo olaadeu lodo; gilaadeu e maatagu i de au ma de daudali i agu hainga alodahi, gi nnoho paba ai gilaadeu ma alaadeu dama e loomai i olaadeu dua.

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Psalm 119:165

Gilaadeu e malangilangi i au hainga e kona mmao de nnoho paba; e deai donu se mee e hagabaakuu ina gilaadeu.

Deuteronomy 32:29

Mee naa gi ni dangada heiangi gilaadeu ma de tonu ange gi de mee nei, gai gilaadeu gu tonu ange gi olaadeu dagodo i muli mai!

Isaiah 45:8

De langi i lunga, haia gi hano iho de heohi bei de langi pala mai i denga hagausinga. Gai henua i lalo gi huugea ono haitoga, gi somo age ai de hagaola gai de heohi gi matili age hogi; go au, go Iahweh ne haia de mee nei.

Psalm 36:8

Gilaadeu e gaimee i mee lagolago i doo hale; koe e hai gilaadeu gi unu i dau saalingaa vai iai laa de malangilangi.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Amos 5:24

Aagai doodou hai hegau i de hagamodu heohi gi bei dagodo de sali o saalingaa vai, gai doodou hai hegau i de heohi gi bei ssaalingaa vai e dee maua laa gi masa!

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Isaiah 33:21

Aagai go kilaa iai Tagi Maolunga taadeu Ia Maolunga. De mommee laa e bei dahi mommee iai leevaa nnui ma saalingaa vai. Gai e deai donu se vaga iai hoe e hulo ai, e deai hogi vaga mmahi e dele i kilaa.

Isaiah 42:24

Goai ne gaavange Jacob bei goloa e maua i de hebagi, ma de dugu ange Israel gi de gau gaiaa? E aha, e dee go Tagi Maolunga, de ia odaadeu gu haisala ange laa aagena? Go hiidinga gilaadeu tee llodo e daudali i ono haiava, gilaadeu tee llodo e hagallongo ange gi ana hainga.

Isaiah 54:13

Gai au dama alodahi e agoago naa i daho Tagi Maolunga, gai au dama e laumalie naa delaadeu nnoho paba.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 61:11

Gai e bei de hai e matili age ai laa denga manu ssomo i honga de gelegele gai de veelenga e hai gi ssomo denga golee, gai e bei ai hogi, de Ia Aamua go Iahweh e hai gi sula age de heohi ma de tuhi i madamada o denga huaahenua alodahi.

Isaiah 62:1

Au e dee hagapuni naa donu dogu ngudu i hiidinga o Zion, au e dee tuu naa donu dogu basa i hiidinga o Jerusalem, ga dae ai gi de sula age dono heohi bei de maalama o taiao, dono hagaola e bei de lama gu haula laa.

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.