Isaiah 46:7 - De Beebaa Dabu

⁷ Gilaadeu e hagauda delaadeu diinonga ma de saabai i honga olaadeu eu; ga kave ga hagaduu i dono mommee gi duu ai, gai e dee maua donu i de ngalue gee i dono duulanga. Gai ga dalodalo ange naa donu dahi dangada aagena, aagai e dee basa ange donu, aabe maua i de hagaola tangada mai i ono hai ngadaa.

Isaiah 46:7 Referans Kwoze

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Jeremiah 10:5

Olaadeu diinonga e bei de mee e dugi ai laa denga manu i lo te veelenga kiulii; olaadeu diinonga e dee maua i de pasa; gai dangada e saabai saele gilaadeu, i hiidinga gilaadeu e dee maua i de seesee. Goodou aude maatagu i denga diinonga nei; gilaadeu e dee maua donu i de hai adu dahi baubau aabe se danuaa daudahi gi goodou.”

Isaiah 46:1

Bel gu ino gi lalo, Nebo gu duuduli; olaadeu diinonga e hagauda i honga manu dolodolo ma manu haangai. Gai mee nei e kave saele ma de hagauda ma e hagadaemaha ai denga manu.

Jonah 1:5

Gai denga daane hai moni alodahi gu maatagu, gai dahi ma dahi ga dalodalo ange dono maadua. Gai gilaadeu ga maga goloa o de vaga gi honga tai e hagamaamaane ai de vaga. Aagai Jonah gu hano iho gi lo te vaga i lalo ma e dagodo ai ma gu seni tao.

Daniel 3:1

De hodooligi go Nebuchadnezzar ne hagaduu dahi diinonga goolo; de looloa se madaono sugilima, de lahalaha se ono sugilima. Gai ia ne hagaduu i lo te duu malaelae go Dura, i de henua go Babylon.

Jeremiah 2:28

Gai i hee iai denga diinonga aau ne hai laa moou? Haia gilaadeu gi hiihidi age noo gilaadeu e maua i de hagaola goe i de masavaa oou e hai ngadaa ai! Judah, oo diinonga gu lagolago donu bei oo aduhale.

1 Kings 18:40

Gai Elijah ga hai ange gi gilaadeu, “Goodou booboogia denga pelaabisi o Baal; goodou aude dugua donu dahi dangada daudahi gi ola.” Gai dangada ga booboo denga pelaabisi laa, gai Elijah ga kave gilaadeu gi de geelonga go Kishon ga daa ai gu maakau.

1 Kings 18:26

Gai gilaadeu ne kave de kaau daane gu gaavange laa gi gilaadeu ga hagadabena. Gai gilaadeu ga dalodalo ange gi Baal, mai i taiao ga dae ai gi de hualaangi, ga hai ange, “Baal, basa mai gi amaadeu dalodalo!” Aagai e deai donu se leo aabe se dangada e basa ange gi alaadeu dalodalo. Gai gilaadeu ga aanu saele laa luu baasi delaadeu mommee o ssigidaumaha gu hagaduu laa.

1 Samuel 5:3

Gai de masavaa o de gau Ashdod ne aalahage ai i de laangi i ono dua, gai tilo, Dagon gu baguu ma e huli gi lalo, i mada i mua o de ngavesi a Tagi Maolunga. Gai gilaadeu ga hagaahe ange Dagon ga hagaduu ange gi dono duulanga.

Isaiah 37:38

Dahi laangi, i de masavaa oona e daumaha ai i de hale o dono diinonga go Nisrok, gai luaana dama daane go Adrammelek ma Sharezer, ga daa ia gu magau i de gadilaasa; gai gilaau ga saavini ga hulo gi de henua go Ararat. Gai dana dama daane go Esarhaddon ga sui ia ga hodooligi ai.

1 Corinthians 12:2

Goodou e iloo bolo doodou masavaa ni Gentile ai, gai goodou ne hagasengalia i denga diinonga e dee maua laa i de pasa.

Isaiah 40:20

Tangada hagaau aloha e dee maua i de hai dahi sigidaumaha bee nei, gai ia e hili dahi laagau e dee moolau laa de bobo. Gai ia ga ssala dahi labagau gi hagaduulia dahi diinonga e dee maua laa gi baguu.

Isaiah 41:7

Dahi labagau e hagammahi ange de labagau o denga goolo, gai tangada e haia gi soe ina i de haamaa e hagammahi ange naa tangada e dugidugia. Ia e hagadaba i dagodo o de mee hagapigi, “Gu danuaa.” Gai gilaadeu ga tugi gi makaga dahi diinonga gi dee ngalungalue ai.

Isaiah 41:28

Au ne ssala, gai teai donu sagu dangada ne gidee — teai donu se dangada hagasaele i olaadeu magavaa, teai hogi ne maua i de basa mai gi agu muna ssili.

Isaiah 44:12

De labagau o denga baalanga e kave dahi goloa baalanga; ga dugu ange gi lo te ahi e hholu ai; gai ia ga hagahua ai dahi diinonga i denga haamaa, i dana dugidugi i dono lima. Ia e hano ga saalohia gu deai ono mahi; gai e ssili ono mada i dana dee unu vai.

Isaiah 47:15

Gai de gau bee nei, go gilaadeu nogo hai hegau madali goe, ma de hulo saele madali goe mai i doo gauligi, gilaadeu alodahi e duudagi donu de hulo gee i de haiava, gai e deai donu se gilaadeu e maua i de hagaola goe.

1 Kings 18:29

Gai gilaadeu ne hevaalogi ma de hai mee nei, ga dae ai gi de masavaa o ssigidaumaha i de ahiahi, gai teai donu se leo be se dangada ne basa ange aabe ne anga ange gi alaadeu dalodalo.

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

Jeremiah 11:12

Denga aduhale o Judah, ma dangada o Jerusalem e hulo naa ga tangi ange, gi diinonga alaadeu e sigidaumaha ange laa mee maanongi aagena, gai denga diinonga laa e dee bale ange donu gilaadeu i de masavaa hai ngadaa.