Isaiah 46:5 - De Beebaa Dabu

⁵ Goai oodou e hagataba bolo e bei ogu dagodo, gai goai oodou e hagahedae ange au aagena, ma de hagataba bolo gimaadeu e dagodo daudahi?

Isaiah 46:5 Referans Kwoze

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

Isaiah 40:25

“Gai goai oodou e hagahedae ange au aagena? Aabe goai e bei ogu dagodo?” go de Ia Dabu e hagadaba.

Psalm 89:6

Tagi Maolunga, goai e bei oo dagodo i de langi? Tagi Maolunga, goai i de gau de langi e bei oo dagodo?

Colossians 1:15

Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

Philippians 2:6

ia go de Maadua donu, gai ia tee maanadu donu bolo dono bei dagodo de Maadua se mee e daohi,

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Psalm 113:5

Gai goai e bei dagodo o Tagi Maolunga taadeu Maadua; go de ia e noho i dono nohoanga maolunga,

Psalm 86:8

Dogu Ia Aamua, e deai ange donu i magavaa o denga maadua e bei oo dagodo, e deai ange hogi hegau e bei dagodo o au hegau.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Psalm 89:8

Tagi Maolunga, de Maadua o denga hagabuulinga hebagi, goai e bei goe? Tagi Maolunga, koe e mmahi, ma de hai hegau i de muna abodonu.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Revelation 13:4

Gai dangada ga daumaha ange gi de dragon i hiidinga de dragon gu gaavange dono sauaa gi de manu alasala laa, gai dangada e daumaha ange gi de manu laa, ga hagataba, “Goai e bei dagodo o de manu alasala laa? Gai goai e maua i de hebagi ange gi de manu laa?”