Isaiah 46:4 - De Beebaa Dabu

⁴ Go au donu de ia e diiloo adu goe, go au ne haia goe ma de saabai goe; ga dae ai loo gi de masavaa oou e madumaatua ai ma de sinaa doo biho, go au e balea adu goe ma de hagaola goe.

Isaiah 46:4 Referans Kwoze

Psalm 71:18

Gai ga madumadua naa donu au ga sinasinaa dogu biho, dogu Maadua, koe gi dee dilia loo au, ga dae ai gi dagu tala ange dagodo o doo mmahi gi denga atangada alodahi e loomai i muli.

Psalm 48:14

bolo deenei de Maadua, taadeu Maadua, ga hano ai e dee ngado mai. Go ia e dagina gidaadeu ga hano ai.

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.

Psalm 92:14

Gilaadeu e duudagi naa donu huu de hhua i de masavaa olaadeu gu madumaatua ai, gilaadeu e duudagi naa donu huu de lau kohu ma de ssomo danuaa,

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

Hebrews 1:12

Koe e hhedu naa gilaadeu bei de malo laa daha; gai gilaadeu e bei naa de malo e sui laa. Aagai koe go tagodo mau donu huu, gai oo ngadau e dee odi donu.”

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

Malachi 3:6

“Go au go Iahweh, au e dee sui donu. Deelaa ai, goodou denga hagadiilinga o Jacob tee odi i de maakau.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 41:4

Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

Isaiah 43:13

Uaa, go au donu de Maadua, mai iainei ga hano ai, go au donu go ia. Gai e deai donu se dangada e maua i de hagaola dahi mai i de au. Gai goai e maua i de buibui au i de masavaa aagu e hai ai dahi hegau?”

Malachi 2:16

E hagadaba Tagi Maolunga, de Maadua o Israel, “Au e kino i de maavae; tangada maavae ange laa gi dono bodu e vaivai donu ia, go Tagi o denga hagabuulinga hebagi e hagadaba. Deenei ai, goodou kana ange dagidiiloo oodou lodo, goodou aude oohaa oodou hagatoo donu.”

Deuteronomy 1:31

Gai goodou gu gidee hogi de hai a Tagi Maolunga doodou Maadua ne bale adu ai goodou i de vao, ga saabai goodou bei de hai a tamana e saabai ai laa dana gauligi i honga luoono eu. Ia ne bale adu goodou ga dae ai gi doodou tae mai gi kinei.”

Psalm 68:19

Duuhia de Ia Aamua, de Maadua taadeu Ia Hagaola, go de ia e hagauda ina odaadeu daemaha i laangi alodahi. Selah

Psalm 71:9

Koe gi dee dilia donu au i de masavaa oogu e madumadua ai, gai koe gi dee huli gee i de au i de masavaa oogu e baageaa ai.

Isaiah 48:12

Jacob, noho mai hagalaangona agu muna, Israel, de ia aagu ne hagahi: go au donu deenei; go au taamada, gai go au de hagaodi.