Isaiah 46:12 - De Beebaa Dabu

¹² Goodou de gau makaga oodou lodo, nnoho mai hagalaangona agu muna; go goodou e mmao gee i de mee heohi:

Isaiah 46:12 Referans Kwoze

Jeremiah 2:5

E hagadaba Tagi Maolunga: “Se baubau aha a oodou dubuna ne gidee laa i ogu daha, gai gilaadeu ga hagammao gee ai laa i de au? Gilaadeu ne daudali ange i denga diinonga dee haigamaiana, ga deai ai olaadeu haigamaiana.

Isaiah 46:3

Dangada o Jacob, goodou hagalaangona agu muna, goodou dangada alodahi o Israel e doe, go goodou aagu ne hagauda mai i de masavaa oodou ne hagadili, ma de saabai goodou mai i de masavaa oodou ne haanau ai;

Psalm 119:150

Gilaadeu e haia denga hagatau baubau e paa mai donu, aagai gilaadeu e mmao gee i au hainga.

Ephesians 2:13

Aagai iainei goodou gu nnoho i lodo o Klisdo Iesu; i mua gai goodou e mmao gee i de ia, aagai iainei gu gaamai gi paa mai i dodo o Klisdo.

Isaiah 48:4

Gai au e iloo bolo koe e makaga oo lodo; doo ua e makaga bei iron, gai doo lae e makaga bei bronze.

Isaiah 28:23

Huuhuli mai hagalaangona agu muna, gai goodou aanga mai hagalaangona agu muna e tala adu.

Psalm 119:155

De hagaola e mmao gee donu i de gau baubau, i hiidinga gilaadeu e dee hai hegau i au muna gu hagasauaa.

Psalm 76:5

Denga daane hebagi mmahi gu gaavee olaadeu goloa hebagi, gai gilaadeu gu sseni i sseni o de gau maakau; denga daane aaboo i de hebagi gu dee maua i de langa age olaadeu lima.

Psalm 49:1

Denga huaadangada alodahi, nnoho mai hagalaangona de mee nei; alodahi e nnoho i henua i lalo, goodou hagalaangona;

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Isaiah 48:1

Dangada o Jacob, goodou hagalaangona muna nei, go goodou gu hagaingoo ange go Israel, gai ne hagadili i daho Judah, goodou e hagatoo donu i de ingoo o Tagi Maolunga, ma de dagudagu de Maadua o Israel, aagai e dee se muna abodonu aabe e hai i de heohi.

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Isaiah 9:9

Dangada alodahi e iloo naa de mee nei, Ephraim ma gilaadeu e nnoho i Samaria; go dangada e hagataba i de hagamaolunga ma de lodo maolunga:

Isaiah 59:14

Gai de hagamodu muna heohi gu buibuia, de heohi gu mmao gee; gai mee abodonu gu dee gidee i denga aduhale, gai de muna abodonu gu dee gidee hogi.

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Isaiah 28:14

Deenei ai, denga dagi o Jerusalem e doo mee laa, goodou hagalaangona muna a Tagi Maolunga.

Isaiah 59:15

Gai gu deai donu se muna abodonu e gidee i kilaa; gai tangada e kino laa i de baubau e vaivai haia. Gai Tagi Maolunga tee malangilangi i dana gidee bolo gu deai se hagamodu muna heohi.

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —

Habakkuk 1:3

Gu aha gu hai ai naa goe gi gidee e au hegau baubau? Gu aha gu noho ai naa donu huu goe e tilo denga hegau dee heohi? Au e gidee de oha ma de vaivai haia o dangada i masavaa alodahi; dangada gu hagadau hebagi ma de hagadaumee.