Isaiah 46:10 - De Beebaa Dabu

¹⁰ Mai i taamada age gai au ne tala gi iloo mee e hai i de hagaodi, gai madagidagi loo, gai au ne tala mee tigi tae mai. Au e hagadaba, “Agu hagatau e dee haisala donu, gai au e hagassula naa donu mee alodahi oogu e lodo ai.”

Isaiah 46:10 Referans Kwoze

Proverbs 19:21

E lagolago hagatau i lodo o tangada, aagai go hagatau donu huu a Tagi Maolunga e ssula.

Psalm 33:11

Muna bale a Tagi Maolunga e daakodo ga hano ai, ana hagatau ni mee ange gi denga atangada alodahi.

Isaiah 43:13

Uaa, go au donu de Maadua, mai iainei ga hano ai, go au donu go ia. Gai e deai donu se dangada e maua i de hagaola dahi mai i de au. Gai goai e maua i de buibui au i de masavaa aagu e hai ai dahi hegau?”

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Psalm 135:6

Tagi Maolunga e hai ono mee e malangilangi ai, i de langi ma honga henua i lalo, ma lo te dai aama mommee kelo alodahi.

Acts 5:39

Aagai noo se mee mai i daho de Maadua, gai goodou e dee maua donu i de hai gi dee sula. Gai goodou e gidee naa bolo goodou e hai baasi ange donu gi de Maadua!” Gai de hagabuulinga hagasaele ne daudali i muna a Gamaliel.

Isaiah 44:7

Goai e bei ogu dagodo? Gai ia gi hagailoo ina. Ia gi daalaa ma de hagaagona mai gi de au be ni aha ne hai i mua dagu hai denga huaadangada madagidagi, gai aahee mee tigi loomai; gilaadeu gi daalaa mee e loomai.

Isaiah 46:11

Au e hagahi naa dahi manu lele alasala mai i dua, se daane mai i dahi henua mmao, gai ia ga hagasula ina dagu hagatau. Gai be ni aha naa huu aagu gu tala, gai au e hai naa donu gi bei; gai be ni aha naa huu aagu gu hagatau, gai au e hai naa donu.

Hebrews 6:17

Gai e bei ai hogi, de masavaa a de Maadua ne lodo ai e hagaago ange gi gilaadeu aana gu hagatoo donu ange aagena, bolo dana hagatoo donu e dee sui donu, gai ia ne hagadonu de mee nei i dahi hagatoo donu soe,

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Acts 15:18

go mee gu iloo madagidagi loo.’

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Acts 3:23

Gai dangada alodahi e dee hagallongo ange gi muna a de pelaabisi e daa naa gi maakau ga aau gee mai i daho dangada.’

Isaiah 14:24

Tagi o denga hagabuulinga hebagi ne basa hagatoo donu, ga hai ange, “Agu hagatau gu hai, e hagassula naa donu, gai dagu mee gu hagamodu, e dee haisala donu.

Isaiah 25:1

Tagi Maolunga, go koe dogu Maadua; au e hagaamua goe ma de tuhi doo ingoo; koe gu hai denga mee hagalele mouli, ma mee aau gu hagatau e hai madagidagi loo, i hiidinga koe e hai hegau i de mee abodonu ma de heohi.

Isaiah 40:8

Denga helii e mmae, denga huaala e malili, aagai muna a taadeu Maadua e daakodo ga hano ai.”

Isaiah 41:4

Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

Isaiah 48:3

Au ne tala mee i mua madagidagi loo, au ne tala ma de hai gi iloo mee nei; gai ne daa hagalele dagu hagahai hegau mee nei, ga hagassula mee nei.

Isaiah 48:14

Hagabuni mai, goodou alodahi, ma gi hagalaangona; goai dahi diinonga ne daalaa mee e loomai? Tagi Maolunga ne hili Cyrus, gai ia ga hagassula ana hagatau e hai baasi ange gi Babylon; dono lima e hai baasi ange naa gi de gau Babylon.

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

Jeremiah 44:28

Dangada e dee maakau laa i de gadilaasa ga aahe mai i Egypt gi de henua o Judah, e sogoisi naa donu. Gai dangada o Judah e doe ne hulo laa ga nnoho i de henua go Egypt, e iloo naa be go agu muna aabe go alaadeu muna e hagassula.

Hosea 5:9

Ephraim e hai naa ga se mommee ngadi dagodo i de laangi o de hagaduasala. Au e hagailoo naa mee gu hagamodu e hai ange gi denga aamuli o Israel.

De Beebaa go Job 23:13

Ia e dee dagodo gee naa donu, gai goai e maua i de sui dana maanadu? Ia e hai ga bei ono lodo donu.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 41:21

Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

Ezekiel 39:8

Tilo, de laangi laa e dae mai naa donu, gai mee nei e hai naa donu, go de Ia Aamua go Iahweh e hagadaba. Deenei de laangi aagu gu lava laa i de tala.