Isaiah 45:9 - De Beebaa Dabu

⁹ E vakaa naa tangada e hagadaumee ange gi de ia ne haia ia, ia e bei dahi gumedi hadu i magavaa denga gumedi e hai i gelegele pigi! E aha, e maua e denga gelegele pigi i de hai ange gi tangada hai gumedi, ‘Se aha aau e hai naa?’ aabe e hai ange, ‘Dau gumedi e hai naa e deai donu ono gau!’?

Isaiah 45:9 Referans Kwoze

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.

Jeremiah 18:6

“E hagadaba Tagi Maolunga: De gau Israel, au e maua donu i de hai adu gi goodou hegau a tangada hai gumedi e hai. De gau Israel, tilo, goodou ni bela pigi i lodo luoogu lima, bei denga bela pigi i lodo luu lima o tangada hai gumedi hadu.

Isaiah 29:16

Goodou e llui gee denga mee, goodou e hai tangada hai gumedi gi bei dagodo o bela pigi! Gai e maua e mee ne hai i luu lima o tangada hai gumedi i de hagadaba, “E dee go ia donu ne haia nei au”? Gai e maua e de gumedi hadu i de hagadaba i tangada ne haia ia, “Ia e deai donu ana mee e iloo”?

Isaiah 10:15

E aha, e maua e taguu i de hagadaba, bolo ia e kii ange i tangada e hagaabo ina, aabe go ssoaa i de hagadaba bolo ia e kii ange i tangada e soaa ina mee? E dagodo be go dahi laagau e hagaabo ina tangada e daohia age, aabe go de laagau e daohia age tangada e dee se laagau laa!

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Jeremiah 50:24

Babylon, au gu dugu dahi sele e dada ai goe, gai koe tee iloo donu doo masavaa ne noodia ai; koe ne gidee mai ga boogia, go hiidinga koe ne hai baasi ange gi Tagi Maolunga.

1 Corinthians 10:22

E aha, gidaadeu e llodo e hai gi lodo gaiaa Tagi Maolunga? E aha, gidaadeu e mmahi ange laa i de ia?

De Beebaa go Job 9:12

Tilo, noo ia e kave gee, gai goai naa e buibui ina ia? Goai e maua i de hai ange gi de ia, ‘Ni aha aau e hai naa?’

De Beebaa go Job 33:13

Gai gu aha gu nanu ange ai naa goe i de ia, gai ia e dee basa ange donu gi muna a dangada?

De Beebaa go Job 40:2

“E aha, e maua e tangada e hagabaubau ina de Ia Mmahi Mmao laa i de hagadaumee ange gi de ia? Koe ne hagabaubau de Maadua — basa ange gi ana muna!”

Ecclesiastes 6:10

Mee e hanu gu hanu donu olaadeu ingoo, gai dagodo o tangada gu iloo huu i mua; gai e deai donu se dangada e maua i de hagadaumee ange gi tangada e mmahi ange laa i de ia.

Isaiah 45:10

E vakaa naa tangada e hai ange gi dono damana, ‘Se dangada bee hee aau ne hagadili naa?’ aabe go de hai ange gi dono dinana, ‘Se aha aau ne haanau naa?’

Jeremiah 36:29

Gai koe daalaa ange hogi gi Jehoiakim, de hodooligi o Judah, hai ange, ‘E hagadaba Tagi Maolunga: Koe ne dudu de beebaa mulo laa ma de hagadaba, “Gu aha goe gu sisi ai laa i lo te beebaa mulo laa bolo de hodooligi o Babylon e humai naa ga oha de henua nei, ga hai gi deai dangada be ni manu dolodolo e nnoho ai?”

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

De Beebaa go Job 9:4

Dono heiangi e gelo, ono mmahi e mmahi mmao; goai gu maua i de hai baasi ange gi de ia ma gu kii?

De Beebaa go Job 10:9

Manadua bolo koe ne hai au i gelegele; gai koe ga hagaahe ange naa hogi au gi de gelegele?

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.