Isaiah 45:7 - De Beebaa Dabu

⁷ Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Isaiah 45:7 Referans Kwoze

Amos 3:6

E aha, dangada e dee maatagu laa i de masavaa e ili ai de hanga manu i lo te aduhale? E aha, e maua gi dae mai de hai ngadaa gi dahi aduhale, noo e dee dugua ange e Tagi Maolunga?

Psalm 75:7

aagai go de Maadua de ia hagamodu muna, go ia e hagamaolalo ina dahi dangada gai ga hai gi maolunga dahi.

De Beebaa go Job 2:10

Job ne hai ange, “Koe e basa donu bei dahi hahine lodo senga. E aha, go mee danuaa donu huu adaadeu e kave mai i daho de Maadua, gai e dee kave hogi denga mee hai ngadaa?” Gai a Job tee haisala donu i ana muna ne tala.

Amos 4:13

Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Isaiah 31:2

Gai Tagi Maolunga e kona mmao de heiangi, gai e maua i de hai gi humai de hai ngadaa; ia e dee hagaahe donu dana muna. Ia e hidi age naa ga hebagi ange gi de gau baubau, ma gilaadeu e balea ange dangada e haia de baubau.

Jeremiah 31:35

E hagadaba Tagi Maolunga, go de ia ne haia de laa gi hagamaalama ina de laangi, go de ia ne hagatau ina huulonga o de maasina ma denga heduu gi hagamaalama ina ai de boo, gai go de ia e hagangalungalue ina tai gai ono beau gu haganguu — dono ingoo go Tagi o denga hagabuulinga hebagi:

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Nahum 1:8

aagai ia e hai naa tolona laumalie gi hagalilo ina Nineveh; gai ia e doolohi naa ono hagadaumee gi hulo gi lo te gohu.

Jeremiah 51:20

Go koe dagu haamaa ma dagu laagau hebagi — go koe e balea mai au e oha ai denga huaahenua, go koe e balea mai au e oha ai denga nohoanga hodooligi,

Acts 4:28

Gai gilaadeu ga hagassula ai au mee alodahi gu hagamodu e hai i doo sauaa ma dau hagatau.

Amos 5:6

Goodou saalaa Tagi Maolunga gi mouli ai goodou, ia kana humai ga hano laa magavaa aamuli o Joseph bei dagodo o de ahi; gai ia ga dudu ga gilaadeu alodahi, gai e deai naa donu se dangada e diinei ina de ahi laa.

Ezekiel 32:8

Au e hai naa gi gohu denga mee hagamaalama i lo te langi gi dee maalama ai honga doo henua, go de Ia Aamua go Iahweh e hagadaba.

Psalm 29:11

Tagi Maolunga e hagammahi ono dangada; Tagi Maolunga e hagamanuuia ono dangada i de nnoho paba.

Psalm 8:3

De masavaa aagu e tilo ai de langi, go hegau aau ne hai i luoo lima, de maasina ma denga heduu aau gu dugu i olaadeu duulanga,

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

Exodus 14:20

gai ne duu i magavaa o de hagabuulinga hebagi o de gau Egypt ma de gau Israel. Gai ne hagagohu de baasi ange ⌊gi de gau Egypt⌋, aagai ne hagamaalama de baasi ange ⌊gi de gau Israel⌋; gai tee maua donu e dahi hagabuulinga, i de hano e hagabaa ange gi de hagabuulinga ange laa, i de boo laa alodahi.

Jude 1:13

Gilaadeu e bei dagodo o denga beau nnui o de moana, gilaadeu e hagassula age alaadeu hegau hagadookaa; gai e bei dagodo o denga heduu e silivaahea saele laa, gai gu hagadabena ange gi gilaadeu de gohu boo dangodango ga hano ai.

Jude 1:6

Gai de gau de langi tee llodo laa e nnoho i olaadeu duuhanga, aagai ne hulo gee mai i delaadeu mommee nnoho, de Maadua gu noonooa gilaadeu gi nnoho i lo te gohu ga hano ai e dee ngado mai, ga dae ai gi de laangi hagamodu muna maolunga laa.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

2 Kings 19:25

Koe tigi langona naa donu bolo au ne hagamodu mee nei i mua loo? Au ne hagatau mee nei madagidagi loo; gai iainei au gu hagassula mee nei, gai koe ga oha ai denga aduhale buibui ga hai gu ni hagabuudungaa mee maoha.

Psalm 105:28

Ia ne hai gi humai de gohu gi haolia honga de henua; gai gilaadeu ne hai baasi ange gi ana muna.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 47:11

De hai ngadaa e dae mai naa donu gi de goe, gai koe e dee maua donu i de hagaola goe. Dahi hai ngadaa e duu adu naa gi de goe gai koe e dee maua naa donu gi ola mai ai, gai de hai ngadaa aau e dee gidee laa e daa hagalele naa donu de hai adu gi de goe.

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Lamentations 3:38

E aha, e dee go de Ia Maolunga Mmao laa e daalaa de loomai o de baubau ma tanuaa?

Daniel 2:22

Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.

De Beebaa go Job 10:13

Aagai koe ne hagammuni de mee nei i oo lodo, gai au e iloo bolo deenei donu dau hagatau:

Psalm 74:16

Niiau de laangi, gai niiau de boo; go koe ne haia de laa ma de maasina.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.