Isaiah 45:22 - De Beebaa Dabu

²² Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Isaiah 45:22 Referans Kwoze

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

Micah 7:7

Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

2 Chronicles 20:12

Demaadeu Maadua, koe gi hagaduasala ina gilaadeu. Go hiidinga gimaadeu e dee pau ange gi de hagabuulinga hebagi soa gu loomai nei e hebagi mai gi gimaadeu. Gimaadeu e dee iloo be ni aha amaadeu ga hai, aagai gimaadeu e tali de bale mai i oo daha.”

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Psalm 65:5

De Maadua, demaadeu Ia Hagaola, koe ne basa mai gi amaadeu dalodalo i au hegau hagalele mouli, go koe de tali hagalodolodo o henua i lalo alodahi ma mommee mmao i honga tai.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Psalm 22:17

Ogu ivi gu tuu mai, gai dangada gu haaina ngau.

Isaiah 49:12

Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”

Isaiah 30:15

E hagadaba de Ia Aamua go Iahweh, de Ia Dabu o Israel, “Noo goodou e daahuli mai oodou lodo gi de au ga hagammabu i ogu daha, gai goodou e ola; i hiidinga go doodou hagammabu ma de hagadonu au oodou e mmahi ai. Aagai goodou e dee llodo.

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Isaiah 60:3

Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Isaiah 66:18

Gai au e iloo dagodo o alaadeu hegau ma maanadu i olaadeu lodo; gai e dae mai naa de masavaa e hagabuni mai ai denga huaahenua alodahi ma dangada e pasa i muna henua gee. Gai gilaadeu e loomai naa ga gidee dogu mahamaha.

Jeremiah 33:16

Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.

Hosea 13:4

Aagai go au donu go Iahweh doo Maadua mai loo i de henua go Egypt. Gai e deai ange donu soo Maadua, go au donu huu; e deai ange hogi soo Ia Hagaola, go au donu huu.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Psalm 22:28

I hiidinga go Tagi Maolunga e maolunga; gai go ia e hodooligi i denga huaahenua alodahi.

Psalm 65:6

Koe ne hagatuu denga mounga i oo mahi, ma de hagahai hegau oo mahi;

Isaiah 41:22

Gaamai oodou diinonga gi daalaa mai mee gu dai hai. Daalaa mai gi gimaadeu dagodo o mee ne hai madagidagi, gai gimaadeu ga hagasaele olaadeu dagodo, gi iloo ai e gimaadeu mee e hai i de hagaodi, ma de tala mai gi gimaadeu dagodo o mee e loomai.

Isaiah 45:5

Go au donu go Iahweh, e deai ange donu, gai e deai ange donu se Maadua e bei ogu dagodo; au e hagammahi naa goe, e dee galemu donu koe tee iloo au;