Isaiah 45:21 - De Beebaa Dabu

²¹ Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Isaiah 45:21 Referans Kwoze

Isaiah 45:5

Go au donu go Iahweh, e deai ange donu, gai e deai ange donu se Maadua e bei ogu dagodo; au e hagammahi naa goe, e dee galemu donu koe tee iloo au;

Isaiah 43:11

Go au, go au donu go Iahweh, gai e deai ange donu se Ia Hagaola bei au.

Isaiah 43:9

Denga huaahenua alodahi gu hagabuni mai gai dangada alodahi gu hagabuni. Gai goai i olaadeu magavaa e maua i de tala mee nei, ma de hagailoo mai gi gidaadeu mee gu hai i mua? Gilaadeu gi gaamai dangada e daalaa olaadeu heohi, gi langona ai e dangada gai gilaadeu ga hagataba, bolo gilaadeu e heohi!

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Isaiah 48:14

Hagabuni mai, goodou alodahi, ma gi hagalaangona; goai dahi diinonga ne daalaa mee e loomai? Tagi Maolunga ne hili Cyrus, gai ia ga hagassula ana hagatau e hai baasi ange gi Babylon; dono lima e hai baasi ange naa gi de gau Babylon.

Isaiah 45:25

Aagai go daho Tagi Maolunga a denga aamuli o Israel e gidee ai de hagaheohi ma de kii.

Isaiah 45:18

Gai e hagadaba Tagi Maolunga, go de ia ne haia de langi, go ia donu go de Maadua, gai go ia ne hagadulagi henua i lalo ga hai gu dahi, gai ia tee hagaduu henua i lalo gi se ngadi mommee, aagai ne hagaduu gi nnoho ai dangada — ia ne hagadaba: “Go au donu go Iahweh, e deai ange donu.

Isaiah 45:14

E hagadaba Tagi Maolunga: “Goloa o Egypt ma goloa a Ethiopia e hagao, ma denga doa o Seba — gilaadeu e loomai naa gi goodou gai goodou e kave naa olaadeu goloa; gilaadeu e noonoodia naa i denga seeini ga daudali mai ai i oodou dua. Gilaadeu e duuduli naa i oodou mada i mua, ga dangidangi adu naa, ga hai adu, ‘Ni muna abodonu, de Maadua e noho i oodou daha, gai e deai ange donu se maadua abodonu.’ ”

Isaiah 43:3

Go au donu go Iahweh, doo Maadua, de Ia Dabu o Israel, gai go doo Ia Hagaola; au ne gaavange Egypt e hagaola ai goe, gai Ethiopia ma Seba e sui ai goe.

Isaiah 63:1

Goai e humai nei i Edom ma Bozrah, ma de gahu malo e mmea? Goai deenei, gu gahu hagadanuaa nei ma de seesee mai i de kona dono mmahi? “Go au donu deenei, au e tala de mee heohi gai e mmahi i de hagaola.”

Isaiah 48:3

Au ne tala mee i mua madagidagi loo, au ne tala ma de hai gi iloo mee nei; gai ne daa hagalele dagu hagahai hegau mee nei, ga hagassula mee nei.

Isaiah 41:26

Goai ne daalaa mee nei i taamada age, gi iloo ai e gidaadeu, aabe ne daalaa mee nei i mua de hai, gai gidaadeu ga hagataba ai, “Ne heohi donu ana muna”? Teai donu se dangada ne daalaa de mee nei, teai hogi ne daalaa de mee nei i mua de hai, gai teai donu se dangada ne langona dau tala mee nei.

Psalm 96:10

Hai ange gi denga huaahenua, “Go Tagi Maolunga tagi.” Henua i lalo gu hagaduu ma gu makaga, gai e dee maua naa donu gi baguu; ia e hagamodu naa muna o dangada i de heohi.

Psalm 26:7

au e hai gi laumalie dogu leo e tala tuhi ai goe, ma de tala dagodo o au hegau hagalele mouli alodahi.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Jeremiah 50:2

“Goodou daalaa gi langona e dangada i denga huaahenua, hagaduulia age dahi hagailonga ma de hagailoo ange gi dangada; goodou e dee hagammuni donu, aagai hagataba, ‘Babylon e hagadee kii naa, gai a Bel e hagadogaa naa, Merodak e madagu naa. Ono diinonga e hagadookaa ina naa, gai ono diinonga gu maatagu.’

Zephaniah 3:5

Aagai Tagi Maolunga e noho laa i kilaa e heohi, ia e dee hai hegau i de mee dee heohi. Daiao alodahi gai ia e hagamodu muna i de heohi, gai ia e dee tuu donu de hai mee nei i laangi alodahi; aagai de gau baubau e dee dookaa donu.

Acts 15:18

go mee gu iloo madagidagi loo.’

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Isaiah 19:20

Gai de mee laa se hagailonga gai se mee e tala ai dagodo o Tagi o denga hagabuulinga hebagi i de henua go Egypt. Gai de masavaa naa huu olaadeu e tangi ange ai gi Tagi Maolunga i hiidinga delaadeu vaivai haia, gai ia e gaamai naa dahi gi balea ange ma de hagaola gilaadeu.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Hosea 13:4

Aagai go au donu go Iahweh doo Maadua mai loo i de henua go Egypt. Gai e deai ange donu soo Maadua, go au donu huu; e deai ange hogi soo Ia Hagaola, go au donu huu.

Zechariah 14:7

Gai de laangi laa e dagodo gee naa donu — go Tagi Maolunga donu huu e iloo dagodo o de laangi laa — de laangi ma de boo se dagodo daudahi donu huu. De ahiahi e maalama donu hogi.

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.