Isaiah 45:20 - De Beebaa Dabu

²⁰ Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Isaiah 45:20 Referans Kwoze

Jeremiah 10:5

Olaadeu diinonga e bei de mee e dugi ai laa denga manu i lo te veelenga kiulii; olaadeu diinonga e dee maua i de pasa; gai dangada e saabai saele gilaadeu, i hiidinga gilaadeu e dee maua i de seesee. Goodou aude maatagu i denga diinonga nei; gilaadeu e dee maua donu i de hai adu dahi baubau aabe se danuaa daudahi gi goodou.”

Isaiah 43:9

Denga huaahenua alodahi gu hagabuni mai gai dangada alodahi gu hagabuni. Gai goai i olaadeu magavaa e maua i de tala mee nei, ma de hagailoo mai gi gidaadeu mee gu hai i mua? Gilaadeu gi gaamai dangada e daalaa olaadeu heohi, gi langona ai e dangada gai gilaadeu ga hagataba, bolo gilaadeu e heohi!

Isaiah 46:1

Bel gu ino gi lalo, Nebo gu duuduli; olaadeu diinonga e hagauda i honga manu dolodolo ma manu haangai. Gai mee nei e kave saele ma de hagauda ma e hagadaemaha ai denga manu.

Psalm 115:8

Dangada e haia denga diinonga e bei donu olaadeu dagodo, gai e bei ai hogi gilaadeu e hagadonusia mee nei.

Ephesians 2:16

Gai ia ga hagadanuaa ange ai gidaadeu alodahi gi de Maadua, ga hai gilaadeu gu se huaadangada e dahi, i hiidinga dono magau i honga de laagau lui, gai ia ga hai ai gi deai se hagadau kino.

Ephesians 2:12

goodou manadua bolo de masavaa laa, gai goodou e vvae gee mai i Klisdo, goodou e dee dau madali de gau Israel, gai ni dangada i tua de mee, e dee dau i hagatoo donu hagaheloongoi, e deai soodou tali hagalodolodo, gai e deai donu soodou Maadua i henua i lalo.

Jeremiah 50:28

Hagalaangona adu leo o dangada e silivaahea saele ma gilaadeu ne saavini ga hulo gee mai i Babylon, ma gi hagailoo ina i Zion de hai a Tagi Maolunga, taadeu Maadua, ne sui ange ai mee ne hai ange gi dono temple.

Jeremiah 10:14

Dangada alodahi e ssenga ma tee iloo mee, de labagau o denga goolo gu hagadogaa ina i ono diinonga. Ono diinonga e dee ni mee abodonu; gilaadeu e dee maua i de manavanava.

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

Isaiah 41:21

Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Isaiah 48:14

Hagabuni mai, goodou alodahi, ma gi hagalaangona; goai dahi diinonga ne daalaa mee e loomai? Tagi Maolunga ne hili Cyrus, gai ia ga hagassula ana hagatau e hai baasi ange gi Babylon; dono lima e hai baasi ange naa gi de gau Babylon.

2 Chronicles 25:15

Gai Tagi Maolunga gu kona mmao de lili i Amaziah, gai ia ga hai dahi pelaabisi gi hano gi ono daha, gi siilia ange gi de ia, “Gu aha goe gu daumaha ange ai naa gi diinonga tee maua naa i de hagaola olaadeu dangada donu mai i de goe?”

2 Chronicles 28:23

Gai ia ne sigidaumaha ange gi diinonga o Damascus ne hagadee kii ina laa ia, ga hagadaba, “Go hiidinga diinonga o denga hodooligi o Syria ne bale ange gilaadeu, au ga sigidaumaha ange nei hogi gi gilaadeu, gai gilaadeu ga balea mai ai au.” Aagai mee nei ne hai ga hagadee kii ina ia aama Israel alodahi.

Isaiah 44:9

Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

Isaiah 44:10

Goai e hagahua ina dahi diinonga ma de hagadagodo ina dahi diinonga baalanga, e deai laa ono haigamaiana?

Isaiah 57:13

Gai de masavaa oodou e dangidangi ai i de bale, gai oodou hagabuulingaa diinonga gi hagaola ina goodou! De madangi e ili naa gilaadeu alodahi ga kave gee, gai se damaa madangi naa donu huu e ilihia gilaadeu ga gaavee gee. Aagai tangada e buibui i ogu daha e henua naa i de henua, ma de kave dogu mounga dabu.

Jeremiah 48:13

Gai Moab e dogaa naa i tiinonga go Chemosh, bei de hai o de gau Israel ne dookaa ai laa, i delaadeu tali hagalodolodo ange gi tiinonga go Bethel.

Jeremiah 48:47

Aagai au e hagaahe ange naa de manuuia o Moab, i denga laangi e loomai,” go Tagi Maolunga e hagadaba. Deenei de odi de hagamodu muna o Moab.