Isaiah 45:17 - De Beebaa Dabu

¹⁷ Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Isaiah 45:17 Referans Kwoze

Romans 10:11

Gai e hagadaba de Beebaa Dabu, “Tangada e hagadonusia ia e dee hagadogaa ina naa donu.”

Psalm 25:3

Gai gi deai donu se dangada e daalia adu goe e dogaa; aagai haia gi dookaa gilaadeu e hai baasi adu gi de goe i teai hiidinga.

Isaiah 54:4

Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.

1 Peter 2:6

Go hiidinga e hagadaba de Beebaa Dabu: “Tilo, au e hagaduu dahi hadu i Zion, go tuludulu hagamogomogo i tege ne hili laa, gai be goai e hagadonusia ia e dee hagadogaa ina donu.”

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Isaiah 26:4

Goodou hagadonusia Tagi Maolunga ga hano ai, i hiidinga Iahweh, Tagi Maolunga, go de Baba makaga e dee ngado mai.

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Jeremiah 31:3

gai Tagi Maolunga ne hakide ange gi de ia i de mommee mmao, ga hai mai, “Dogu aloha i de goe e dee ngado donu, deelaa ai, au ne duudagi de muna abodonu adu gi de goe.

1 John 4:15

Tangada e daalaa bolo Iesu go Tama Daane a de Maadua, gai de Maadua e noho i ono lodo, gai ia e noho i lodo o de Maadua.

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Isaiah 60:19

Gai e dee go de laa e hagamaalama ina goe i de laangi, e dee go de maasina hogi e hagamaalama ina goe i de boo; gai go Tagi Maolunga donu doo maalama ga hano ai, gai go doo Maadua e hagamahamaha ina goe.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

John 10:28

Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima.

Romans 11:26

Deenei de hai o Israel alodahi e hagamouli ai. Bei de hai gu sisi ai laa: “De Ia Hagaola e humai naa i Zion; gai ia e aau gee naa baubau o Jacob.

Isaiah 29:22

Deenei ai, Tagi Maolunga ne hagaola ina laa Abraham, e hagadaba i dagodo o dangada o Jacob: “Jacob e dee ahe ange naa donu ga dogaa, gai luoono mada e dee mada tea naa donu i dono dogaa.

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Isaiah 45:25

Aagai go daho Tagi Maolunga a denga aamuli o Israel e gidee ai de hagaheohi ma de kii.

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Isaiah 51:8

Go hiidinga de lengisi e gai naa gilaadeu bei dahi malo, gai de ilo e gai naa gilaadeu bei malo e hai laa i huluhulu o denga manu. Aagai dogu heohi e dee ngado mai donu, gai dagu hagaola e dagodo i denga atangada alodahi.”

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

Isaiah 51:6

Goodou kalo age diiloo lo te langi, ma de tilo honga henua i lalo; de langi e lilo naa bei de useahi, gai henua i lalo e hano naa ga duai bei de malo, gai dangada i kilaa e maakau naa bei denga lango. Aagai dagu hagaola e dagodo naa donu huu ga hano ai, dogu heohi e dee maoha naa donu.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 33:6

Gai ia e hai naa go doo dagelo makaga i de laangi laa, ma de hagaola laumalie, ma de heiangi, aama de iloo mee. De madagu i Tagi Maolunga se mee hagamogomogo mmao.

Isaiah 50:7

De Ia Aamua go Iahweh ne bale mai au, deelaa ai, au e dee hagangadi mee ina naa donu; deenei ai, au gu soe donu dagu maanadu, gai au e iloo bolo au e dee dogaa naa donu.

Jeremiah 33:16

Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.

Jonah 2:9

Aagai au e hagaahe adu donu de abodonu ma de ssigidaumaha adu gi de goe. Au e hai naa donu gi bei agu mee gu hagatoo donu ai. De hagaola se mee mai i daho Tagi Maolunga.”