Isaiah 45:16 - De Beebaa Dabu

¹⁶ Alodahi e haia denga diinonga e dookaa naa, ma de hagangadi mee ina; gilaadeu alodahi e ssenga ange naa.

Isaiah 45:16 Referans Kwoze

Isaiah 44:11

Tilo, ono soa alodahi e dookaa naa, gai denga labagau alodahi ni dangada donu huu. Gilaadeu alodahi gi hagabuni, gilaadeu gi tuu age; gai gilaadeu alodahi e maatagu naa ma de dookaa.

Isaiah 44:9

Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

Isaiah 42:17

Dangada e hagadonusia denga diinonga ma de hai ange gi denga diinonga laagau ma diinonga baalanga, “Go goodou omaadeu maadua,” e aahe dua naa ma de dookaa.

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Isaiah 41:19

Au e hai naa gi ssomo de cedar i de vao, ma de acacia, ma de myrtle, aama de olive; au e hai naa hogi gi ssomo denga pine i de vao, madali denga fir, aama cypress,

Psalm 97:7

Dangada alodahi e daumaha ange gi denga diinonga e dookaa naa, ma gilaadeu e duuhia denga diinonga; denga diinonga alodahi, daumaha ange gi de ia!

Jeremiah 48:13

Gai Moab e dogaa naa i tiinonga go Chemosh, bei de hai o de gau Israel ne dookaa ai laa, i delaadeu tali hagalodolodo ange gi tiinonga go Bethel.