Isaiah 44:6 - De Beebaa Dabu

⁶ E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Isaiah 44:6 Referans Kwoze

Isaiah 41:4

Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

Revelation 22:13

Go au de Alpha ma de Omega, go au Tahi gai go de Hagaodi, go Taamada ma de Hagaodi.”

Isaiah 44:8

Goodou aude bolebole, goodou aude maatagu. E aha, tee hagailoo ina e au ma de tala mee nei madagidagi loo? Go goodou ogu dangada hagadonu. E aha, e dahi ange maadua bei au? E deai, e deai ange donu se Baba mmahi; au e dee iloo bolo e dahi ange.”

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Isaiah 48:12

Jacob, noho mai hagalaangona agu muna, Israel, de ia aagu ne hagahi: go au donu deenei; go au taamada, gai go au de hagaodi.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Isaiah 42:8

Go au go Iahweh; deenei dogu ingoo! Au e dee gaavange naa donu dogu mahamaha gi dahi dangada gee, aabe e gaavange dogu tuhi gi denga diinonga.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Deuteronomy 6:4

Israel, goodou hagalaangona: Tagi Maolunga taadeu Maadua, Tagi Maolunga e dahi donu huu.

Deuteronomy 4:39

Deenei ai, ailaa nei gai goodou haia gi tonu ange goodou aama de dugu mee nei i oodou lodo, bolo Tagi Maolunga go de Maadua donu o de langi ma henua i lalo, gai e deai ange donu e bei ono dagodo.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Isaiah 37:16

“Tagi o denga hagabuulinga hebagi, de Maadua o Israel e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

Deuteronomy 4:35

Gai mee nei ne hagaago adu gi iloo ai e goodou bolo Tagi Maolunga go de Maadua donu, gai e deai ange donu se Maadua e bei ono dagodo.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Revelation 2:8

“Gai siia ange muna nei gi tangada de langi o de nohoanga dabu i Smyrna: Aanei muna mai i daho de ia i taamada gai go de hagaodi, go de ia ne magau laa gai gu mouli age ange.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Jeremiah 50:34

Aagai de ia e hagaola ina gilaadeu e mmahi mmao; dono ingoo go Tagi o denga hagabuulinga hebagi. Ia e bale ange naa donu gilaadeu, gai ia ga hai ai gi nnoho paba delaadeu henua, aagai e hai naa gi dee nnoho paba dangada e nnoho i Babylon.

Isaiah 59:20

“De Ia Hagaola e humai naa gi Zion, gi daho dangada o Jacob gu daahuli gee laa i olaadeu haisala,” go Tagi Maolunga e hagadaba.

Matthew 27:37

Gai gilaadeu ne hagapigi age gi ulu dono biho de mee oona ne hagabaubau ina ai, gai ne sisi ga hai ange, “Deenei Iesu, de Hodooligi o de gau Ssuu.”

Isaiah 37:20

Gai Tagi Maolunga demaadeu Maadua, au e dangidangi adu koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu go Iahweh.”

Isaiah 41:21

Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Psalm 86:10

I hiidinga koe e maolunga mmao gai e hai hegau hagalele mouli, go koe donu huu de Maadua abodonu.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

Isaiah 43:9

Denga huaahenua alodahi gu hagabuni mai gai dangada alodahi gu hagabuni. Gai goai i olaadeu magavaa e maua i de tala mee nei, ma de hagailoo mai gi gidaadeu mee gu hai i mua? Gilaadeu gi gaamai dangada e daalaa olaadeu heohi, gi langona ai e dangada gai gilaadeu ga hagataba, bolo gilaadeu e heohi!

Jeremiah 10:1

De gau Israel, goodou hagalaangona muna a Tagi Maolunga adu gi goodou.