Isaiah 44:3 - De Beebaa Dabu

³ Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 44:3 Referans Kwoze

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Acts 2:17

‘E hagadaba de Maadua: Denga laangi hagaodi naa huu, gai au e hai naa gi hano iho dogu Hagasaalunga gi honga o dangada alodahi. Gai oodou dama daane ma damaa hine e pasa pelaabisi naa; oodou dama daane e midi naa denga midi hagaago ange, gai oodou daane madumaatua e hai naa denga midi.

Isaiah 59:21

Gai e hagadaba Tagi Maolunga, “Deenei dagu hagatoo donu hagaheloongoi ange gi gilaadeu: dogu Hagasaalunga e noho naa i oo daha, ma agu muna gu hhao adu gi lo too ngudu, e dee hulo gee naa donu mai i lo too ngudu, ma mai i lodo ngudu o au dama, aama lodo ngudu olaadeu hagadiilinga, mai iainei ga hano ai,” go Tagi Maolunga e hagadaba.

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Ezekiel 39:29

Au gu dee huli gee luoogu mada i gilaadeu, gai au e hai naa gi hano iho dogu Hagasaalunga gi honga o de gau Israel, go de Ia Aamua go Iahweh e hagadaba.”

Isaiah 32:15

ga dae ai gi de hano iho o de Hagasaalunga o de Maadua i de mommee maolunga, gai de vao e hai naa ga se gelegele danuaa e ssomo ai manu, gai gelegele danuaa e ssomo ai manu e hai naa ga se lodo mee muimui.

Acts 10:45

Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile.

Psalm 107:35

Ia e hai de vao gi se mommee iai denga vai, gai de gelegele mmasa gi se mommee iai denga saalingaa vai.

Isaiah 41:17

De gau hagaau aloha ma gilaadeu e duasala e sala vai unu, aagai gu deai donu vai; olaadeu hakii gu mmasa gee naa i delaadeu hieunu. Aagai au, Tagi Maolunga, e basa ange naa gi alaadeu dalodalo, go au, de Maadua o Israel, au e dee tili donu gilaadeu.

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Ezekiel 34:26

Gai au e hai naa gilaadeu ma mommee i luu baasi dogu mounga dabu gi manuuia; gai au e hai naa gi pala de langi i malama o de langi; gai se langi e hagamanuuia ai.

Isaiah 61:9

Gai denga huaahenua e iloo naa dagodo o olaadeu aamuli, gai denga huaadangada e iloo naa dagodo o olaadeu hagadiilinga. Dangada alodahi e gidee gilaadeu e iloo naa bolo gilaadeu go de huaadangada a Tagi Maolunga gu hagamanuuia.

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Isaiah 48:21

Gilaadeu tee hieunu i de masavaa olaadeu ne hulo saele ai i de vao; ia ne hai denga vai gi ssali mai lo te baba; ia ne hhanga de baba gai denga vai gu ssali mai ai.

Isaiah 65:23

Alaadeu hegau gu dee ni ngadi hegau, aabe alaadeu dama e haanau e tuu ange gi de hai ngadaa; gai gilaadeu e hai naa go hagadiilinga a Tagi Maolunga e hagamanuuia, go gilaadeu alodahi ma olaadeu hagadiilinga.

Psalm 63:1

De Maadua, go koe dogu Maadua, au e hagaduu ngae e ssala goe; dogu hagasaalunga e lodo mmao i de goe; dogu angaanga e buliaamou mmao i de goe, i de henua mmasa ma de hagadaalea, go de mommee e deai vai iai.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Matthew 12:43

“De masavaa naa huu o de hagasaalunga baubau e sao ai ga hano gee mai i daho tangada, gai ia ga hagadaga i mommee e deai vai iai e ssala ai dono mommee e hagamabu ai. Gai tee gidee e ia dahi mommee,

De Beebaa go Job 5:25

Koe e iloo naa hogi bolo au dama gu soa, gai doo hagadiilinga e soa bei denga helii i honga de henua.

Isaiah 48:19

Gai oo hagadiilinga e soa naa bei de lagolago o denga gelegele, gai au dama e soa naa hogi bei de lagolago o gelegele malili; olaadeu ingoo e dee llilo naa donu, aabe aau gee mai i mada luoogu mada.”

Isaiah 55:1

Loomai, goodou alodahi e hieunu, loomai gi de vai; gai goodou e deai oodou sseene, loomai, hagao ina ma gi gaina! Loomai hagao ina uvaini ma vai uu e dee hagao i sseene, gai e deai sono hagaoanga.

Ezekiel 36:27

Gai au e hhao adu naa dogu Hagasaalunga gi oodou lodo, ma de hagangaalue goodou gi daudali i agu mee gu hagasauaa, aama de kana ange ga daohi agu hainga.

Ezekiel 47:8

Gai ia ne hai mai gi de au, “De vai nei e sali ma e hano gi baasi i dua, gai e hano iho hogi gi Arabah, go kilaa e duu ange ai gi Tai Magau. Gai de masavaa naa huu e ulu ange ai ono vai gi lo te Dai Magau, gai vai soolo i kilaa gu sui ga ni vai danuaa.

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Isaiah 27:3

“Go au donu, Tagi Maolunga, e diiloo ange de veelenga laa; au e hagamaluulu i vai i masavaa alodahi. Gai au e hagaloosi ange i de boo ma de laangi, gi dee humai ai dahi dangada gi vaivai haia.

Joel 2:27

Gai goodou e tonu ange naa bolo au e noho donu i Israel, gai go au go Iahweh doodou Maadua, e deai ange donu; ogu dangada e dee aahe ange naa donu ga dookaa.

Joel 3:1

“Tilo, laangi laa ma de masavaa laa, gai au e hagaahe ange naa de manuuia o Judah ma Jerusalem.