Isaiah 44:26 - De Beebaa Dabu

²⁶ go au e hagassula ina muna a ogu dangada hai hegau, aama de hagassula muna pelaabisi a ogu dangada hagailoo. Au e hagadaba i dagodo o Jerusalem, ‘Dangada e aahe ange naa ga nnoho ai,’ ma de hagadaba i dagodo o aduhale o Judah, ‘Denga aduhale e hagatuu age ange naa, gai au e hagaahe age naa mommee gu maoha laa.’

Isaiah 44:26 Referans Kwoze

Zechariah 1:6

Aagai agu muna ma agu hainga ne hagasauaa gu tala ange gi ogu dangada hai hegau go denga pelaabisi, tee tuu ange laa gi oodou dubuna madagidagi? Gai gilaadeu ne daahuli olaadeu lodo ga hagataba, ‘Tagi o denga hagabuulinga hebagi ne hagaduasala gimaadeu gi bei dagodo o adaadeu hegau aama dahulinga, bei dana hai gu hagatau ai laa.’ ”

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Jeremiah 33:7

Au e hagaahe ange naa de manuuia o Judah ma Israel, ma de hagatuu age gilaau gi bei olaau dagodo i mua.

Jeremiah 30:18

E hagadaba Tagi Maolunga: Tilo, au e hagaahe ange naa de manuuia o dangada o Jacob, ma de lodo aloha ange gi ono mommee nnoho; de aduhale e ahe ange naa ga hagaduu i honga dono duulanga, gai de hale o de hodooligi e duu naa i dono mommee donu.

Isaiah 42:9

Tilo, mee gu i mua gu hai ma gu lava, iainei gai au e tala mee hoou gu dai hai; au e tala adu mee nei gi goodou i mua de hai.”

Nehemiah 1:3

Gai gilaadeu ga hai mai, “Dangada ne ola ga nnoho i de henua gu hai ngadaa mmao ma de hagadookaa olaadeu dagodo; de buibui o Jerusalem gu maoha, gai ono haitoga gu lava i de dudu i de ahi.”

Ezra 2:70

Gai de gau haimeedabu ma de aamuli o Levi, ma de gau daahili, ma de gau hagaloosi haitoga, madali de gau hai hegau o de hale daumaha ne nnoho i olaadeu aduhale donu, gai de gau Israel alodahi e nnoho i olaadeu aduhale.

Matthew 26:56

Aagai mee nei alodahi ne hai e hagassula ai muna a denga pelaabisi gu sisi laa i de Beebaa Dabu.” Gai ana dangada agoago alodahi ga tili ia gai ga saavini ga hulo.

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Zechariah 12:6

De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.

Amos 9:14

Au e hagaahe ange naa de manuuia o ogu dangada go de gau Israel. Gai gilaadeu e aahe ange naa ga hagatuu age denga aduhale gu maoha laa ga nnoho ai. Gilaadeu e doo naa denga veelengaa grape ga unu uvaini e hai ai, gilaadeu e doo naa alaadeu veelenga ga gai hua iai.

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Ezekiel 38:17

E hagadaba de Ia Aamua go Iahweh: E aha, e dee go koe aagu gu tala laa oo dagodo i daho ogu dangada hai hegau go denga pelaabisi o Israel? Laangi laa gai gilaadeu ne tala pelaabisi bolo au e gaamai naa goe gi hai baasi ange gi gilaadeu.

Ezekiel 36:10

gai au e hai naa gi soa dangada i honga o mounga alodahi o de gau Israel. Denga aduhale e nnoho ai naa dangada, gai mommee gu maoha laa e ahe ange naa ga hagatuu age.

Nehemiah 2:3

aagai au ne hai ange gi de hodooligi, “Gi daulooloa de mouli o de hodooligi! Gai gu aha gu dee lodo baubau ai au, gai de aduhale iai daanunga o ogu dubuna madagidagi e maoha ma e dagodo ai, ono haitoga gu dudu ma gu maoha?”

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Jeremiah 32:44

Dangada e hagao naa denga alahenua i sseene ga sisi ange olaadeu ingoo gi denga beebaa alahenua ga pono ma de hagasauaa i daho de gau hagadonu, i de vaaenga o Benjamin, ma mommee nnoho i luu baasi o Jerusalem, ma lodo aduhale o Judah, ma aduhale i mommee iai mounga, ma aduhale i mommee iai duuduu paa i lalo, ma de bido gi ngaage, go hiidinga au e hagaahe ange naa delaadeu manuuia,” go Tagi Maolunga e hagadaba.

Jeremiah 32:15

Go hiidinga e hagadaba Tagi o denga hagabuulinga hebagi, de Maadua o Israel: Dangada e aahe ange naa ga hagao denga hale, ma alahenua aama veelengaa grape i de henua nei.’

Jeremiah 31:4

De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Isaiah 58:12

Gai oo dangada e hagatuu age ange naa mommee gu maoha laa ma de hagaahe age tagelo madagidagi, gai koe e hagaingoo ange naa go de ia e hagaahea age de buibui gu maoha laa, ma de ia e hagaahea age denga haiava i de mommee nnoho.

Isaiah 54:3

Gai koe e hagalahalaha naa gi de madau ma de masui, oo hagadiilinga e hagadee kii naa denga huaahenua, gai gilaadeu ga nnoho i lodo olaadeu aduhale gu ngadi daakodo laa.

Psalm 147:2

Tagi Maolunga e hagaduu age Jerusalem; ia e hagabuni mai de gau Israel gu nnoho laa i denga henua gee.

Isaiah 61:4

Gilaadeu e aahe ange naa ga hagatuu age mommee gu maoha ma gu ngadi daakodo i denga masavaa gu hulo; gilaadeu e hagaahe age naa denga aduhale gu maoha laa, ma gu ngadi daakodo mai i denga atangada gu hulo.

Psalm 69:35

Go hiidinga de Maadua e hagaola naa Zion ma de ahe ange ga hagatuu age denga aduhale o Judah, gai gilaadeu e nnoho naa i kilaa ga henua ai.

Isaiah 40:9

Zion, de ia e hagadele ina de longo danuaa, koe gi hanage gi honga dahi mounga maolunga. Jerusalem, go de ia e hagadele ina de longo danuaa, koe gi oo i de leo laumalie. Aude madagu, gai oo hai ange gi aduhale o Judah, “Tilo, doo Maadua gu humai!”

Isaiah 42:19

Goai e dee gide, e dee go dogu dangada hai hegau? Gai goai e longoduli bei tangada hagailoo aagu ne hai gi hano? Goai e dee gide bei tangada gu vvae mai gi de au, ma tee gide bei tangada hai hegau o Tagi Maolunga?

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

Isaiah 52:9

Denga mommee i Jerusalem gu ngadi daakodo laa, goodou alodahi hevaalogi daahili i de malangilangi, go hiidinga Tagi Maolunga gu hagaaneane lodo o ono dangada; ia gu hagaola Jerusalem.

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Daniel 9:12

De Maadua ne hagassula ana muna gu tala laa, e hai baasi mai ai gi gimaadeu ma omaadeu dagi, ne dagina gimaadeu, i dana gaamai dahi hai ngadaa laumalie gi gimaadeu. Gai tigi ai ange donu se hegau bee nei ne hai i lalo de langi, bei mee gu hai ange gi Jerusalem.

Haggai 1:13

Gai Haggai, tangada hagailoo o Tagi Maolunga, ne tala ange muna a Tagi Maolunga gi dangada, ga hai ange, “Au madali goodou,” go Tagi Maolunga e hagadaba.

Zechariah 1:17

Ahe ange hagailoo ina hagadaba: E hagadaba Tagi o denga hagabuulinga hebagi: Ogu aduhale e aahe ange naa ga hagadagadaga age, gai Tagi Maolunga e ahe ange naa ga hagaaneane Zion ma de hili Jerusalem.”

2 Kings 7:16

Gai dangada ga hulo ga hagabudu denga goloa i de mommee nnoho gaainga o de gau Syria. Gai dahi hagabaaunga pelaoaa lligi gu dahi donu huu shekel e hagao ai, gai e lua hagabaaunga barley gu dahi donu huu shekel e hagao ai, bei de hai a Tagi Maolunga gu tala ai laa.

2 Kings 7:18

Gai ne hai donu ga bei muna a taane o de Maadua ne tala ange gi de hodooligi, “Daiao i de masavaa bee nei, gai de lua seah o barley gu dahi donu huu shekel e hagao ai, gai dahi seah pelaoaa lligi gu dahi donu shekel e hagao ai, i gaogao de haitoga o de aduhale go Samaria.”

2 Kings 7:20

Gai mee laa ne hai ange donu gi de ia, go hiidinga dangada ne dagadagahi ia i ma te haitoga, gai ia gu magau.

Psalm 69:36

Gai dama a ono dangada hai hegau e kave naa ga henua ai, gai dangada e aaloha i de ia e nnoho ai naa.

Psalm 102:17

Ia e basa ange naa gi dalodalo a de gau hagaau aloha, gai ia e dee hagangadi mee alaadeu dangidangi.

Ecclesiastes 3:3

e dahi masavaa e daa ai gi maakau, gai e dahi hogi masavaa e hagaieiangi ai; e dahi masavaa e oha ai, gai e dahi hogi masavaa e hagaduu age ai;

Jeremiah 28:9

Aagai de pelaabisi e daalaa laa bolo dangada e nnoho paba, goodou e iloo abodonu naa bolo go Tagi Maolunga ne haia ia gi humai, noo ana muna gu tala e hagassula donu.”