Isaiah 44:20 - De Beebaa Dabu

²⁰ Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Isaiah 44:20 Referans Kwoze

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Hosea 12:1

Ephraim e gai de madangi, ma de doolohi de madangi mai i dua i taiao ga boo ai. Gilaadeu e dee modu de hadu muna ma de vaivai hai dangada; gilaadeu e hai dahi hagatoo donu hagaheloongoi madali Assyria, ma de kave denga lolo gi Egypt.

Psalm 102:9

Agu gai go denga mama o de gelegele, ogu loimada e ssali ange gi lodo agu mee unu,

De Beebaa go Job 15:31

Gai ia gi dee hagasengalia donu huu ia, i dana tali hagalodolodo ange gi mee e deai olaadeu haigamaiana, go hiidinga e deai naa donu mee e maua mai ai.

2 Timothy 2:13

noo gidaadeu e dee hai hegau i de mee abodonu, gai ia e dee tuu donu dono hai hegau i de mee abodonu. Go hiidinga ia e dee maua i de hagahadu muna donu huu ia.

Romans 1:25

go hiidinga gilaadeu gu hagahesuihagi de mee abodonu a de Maadua i de muna hhadu, ma de daumaha ange gi mee ne hai laa i taamada, tee daumaha ange gi de ia ne haia mee alodahi, go de ia e heohi taadeu tuhi ga hano ai! Amen.

Hosea 4:12

o ogu dangada. Gilaadeu e ssili ange naa gi dahi diinonga laagau, gai go dahi bido laagau e basa ange. Gai de hagasaalunga o de hai be se manu gu dagi gee gilaadeu; gilaadeu gu dee hai hegau ange gi delaadeu Maadua i de mee abodonu.

Revelation 20:3

ga tili ange gi lo te geelonga e deai sono dagelo, ga pono de geelonga laa ga hagamakaga, gi dee maua ai e ia i de hagasenga denga huaahenua ga dae ai gi de odi ange de mano ngadau. Gai dua naa huu de masavaa laa gai ia gu tala gi hano saele i dahi masavaa bodobodo.

Revelation 18:23

Gai gu deai hogi se maalama o de laama i kilaa. Gai gu dee langona hogi leo o taane ma de hine gu dai hagahai bodu. Oo dangada hagao mee ni daane dau i henua i lalo, gai huaahenua alodahi gu daahangadia i au huuhuaa mee.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

Luke 15:16

Gai tama daane nei ne lodo mmao e gai gai a denga biigi, gai e deai hogi se dangada e gaavange gi de ia dahi mee e gai ia.

Habakkuk 2:18

Ni haigamaiana aha o dahi diinonga, noo se mee nii tangada ne hagaduu; gai se diinonga baalanga e agoagona denga muna hhadu? Gai tangada ne haia e tali hagalodolodo ange gi dana mee ne hagaduu; gai denga diinonga aana e hai e dee maua i de pasa!

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Proverbs 15:14

Tangada e donu ange laa e lodo e hagalaumalie dono iloo mee, aagai tangada lodo senga e noho donu huu i dono ssenga.

De Beebaa go Job 15:2

“E aha, e maua e dahi dangada heiangi i de basa ange i hanu ngadi muna, aabe go de ngadi basa bei dagodo o de madangi hagavvela mai i dua?

Psalm 115:4

Aagai olaadeu diinonga ni mee e hai i selevaa ma goolo, gai ne hai i lima o dangada.

Psalm 144:8

Gilaadeu e hadu muna, gai alaadeu hagatoo donu e dee ni muna abodonu.

Psalm 144:11

Hagaola ina au ma de hagamouli au mai i ssauaa o de gau henua gee, go gilaadeu e daalaa denga muna hhadu, gai olaadeu lima e hagatoo donu ai e daahanga dangada.

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?