Isaiah 44:19 - De Beebaa Dabu

¹⁹ Gai e deai donu se gilaadeu e noho ga hagasaelea mee nei, e deai hogi e dahi ono iloo mee aabe e donu ange ga hagadaba, “Au e hai de ahi i dahi luu baasi o laagau nei; au e dao hogi agu pelaoaa i ono maga ahi, ma de hulihuli ai agu giidagi e gaimee ai. Gai au ga hai ai nei hogi dahi diinonga hakino gee i laagau e doe? E aha, au ga ino ange nei hogi e daumaha ange gi dahi bido laagau?”

Isaiah 44:19 Referans Kwoze

Deuteronomy 27:15

“E malaia tangada e hai dahi diinonga i laagau aabe ni baalanga hagavaivai — de mee nei se mee niio Tagi Maolunga e kino ai, se mee ne hai i luu lima o de labagau — gai ne hagaduu i de mommee e dee gidee.” Gai dangada alodahi gi hai ange, “Amen!”

1 Kings 11:7

Gai Solomon ne hagaduu dahi mommee daumaha ange gi Chemosh, tiinonga hakino gee o de gau Moab, gai dahi mommee ange gi Molek, go tiinonga hakino gee o de gau Ammon, i honga dahi duuduu baasi dua o Jerusalem.

1 Kings 11:5

Gai ia ne daumaha ange gi Ashtoreth, tiinonga hahine o de gau Sidon, ma Milcom, tiinonga hakino gee o de gau Ammon.

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Isaiah 5:13

Deelaa ai, ogu dangada e gaavee naa gi denga henua gee, go hiidinga teai selaadeu iloo mee; olaadeu daane maolunga e maakau naa i de hiikai, gai olaadeu hagabuulinga soa e maakau naa i de hieunu.

2 Kings 23:13

De hodooligi ne oha hogi denga mommee daumaha i baasi i dua o Jerusalem, ma baasi ngaage o de Mounga o denga Olive, go mommee a Solomon, de hodooligi o Israel ne hagatuu e daumaha ange ai gi Ashtoreth, tiinonga hakino gee o de gau Sidon, ma Chemosh, tiinonga hakino gee o de gau Moab, aama Milcom, tiinonga hakino gee o de gau Ammon.

Deuteronomy 32:46

gai ia ga hai ange gi gilaadeu, “Goodou daohia muna alodahi aagu e tala adu gi goodou anailaa nei i oodou lodo, gai goodou ga tala ange ai gi oodou dama gilaadeu gi kana ange gi daohia muna alodahi o de hainga nei.

Exodus 7:23

Gai Pharaoh ga huli ga ahe gi dono hale, ia tee anga ange donu gi mee laa.

Haggai 1:5

E hagadaba Tagi o denga hagabuulinga hebagi: Goodou nnoho muhuu hagasaelea age dagodo o oodou hegau.

Isaiah 46:8

Goodou manadua ma de hagasaele de mee nei, gai hagamaanadu i de mee nei, goodou de gau baubau.

2 Kings 23:14

Ia ne oha ga hadihadi denga duludulu hadu, ma de duuduu iho denga duludulu laagau o Asherah, ma de hhao denga mommee nogo iai denga diinonga laa i ivi o de gau maakau.

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Isaiah 66:3

Aagai tangada e daia dahi kaau e hai ai ssigidaumaha, e bei hogi tangada e daia tangada ga magau; tangada e haia ssigidaumaha i dahi ssiibi gauligi, e bei hogi tangada e milo laa de ua o dahi gaaduu; tangada e haia ssigidaumaha i denga grain, e bei hogi tangada e sigidaumaha i dodo o de biigi, gai tangada e haia ssigidaumaha hagamaanadu o mee maanongi, e bei hogi tangada e daumaha ange gi dahi diinonga. Gilaadeu ne hilihili de hai donu huu olaadeu lodo, gilaadeu ne malangilangi i olaadeu diinonga hakino gee;

Hosea 4:12

o ogu dangada. Gilaadeu e ssili ange naa gi dahi diinonga laagau, gai go dahi bido laagau e basa ange. Gai de hagasaalunga o de hai be se manu gu dagi gee gilaadeu; gilaadeu gu dee hai hegau ange gi delaadeu Maadua i de mee abodonu.