Isaiah 43:28 - De Beebaa Dabu

²⁸ Gai au e hagangadi mee naa denga dagi o doo mommee dabu, ma de hai gi oohaa Jacob, ma de hai gi hagangadi ina Israel.

Isaiah 43:28 Referans Kwoze

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Zechariah 8:13

Dangada o Judah ma dangada o Israel, i mua gai goodou se muna hagamalaia i daho denga huaahenua, aagai iainei au gu hagaola goodou e hai gi se mee hagamanuuia. Goodou aude maatagu, aagai gi lodo mmahi.

Isaiah 65:15

Gai doodou ingoo e hai naa ga se mee hagamalaia ange gi dangada aagu gu hili; gai de Ia Aamua go Iahweh e daa naa goodou ga maakau, aagai ia e gaavange naa dahi ingoo hoou moo ogu dangada hai hegau.

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Psalm 79:4

Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

Daniel 9:14

Deenei ai, Tagi Maolunga ne dagitilo e gaamai de hai ngadaa gi gidaadeu; go hiidinga Tagi Maolunga taadeu Maadua e heohi donu ana hegau alodahi gu hai; aagai gidaadeu tigi hagallongo ange gi de ia.

Ezekiel 5:15

Koe e hagangadi mee ina naa ma de tala hakadanga i daho dangada, gai se mee hagamaatagu ange gi denga huaahenua e paa adu gi de goe, i de masavaa aagu e hagaduasala ai goe i dogu lili ma de bole aama de kona dagu hagasee goe — go au donu go Iahweh e hagadaba —

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Psalm 89:39

Koe gu oha dau hagatoo donu hagaheloongoi ange gi doo dangada hai hegau; gai koe gu maga dono hau hodooligi gi lo te gelegele.

2 Samuel 1:21

Goodou denga mounga o Gilboa, gi deai se maluulu be go de langi e pala iho gi oodou elunga, gai denga veelenga gi deai grain iai! Go hiidinga de mee hungihungi a taane mmahi ne maoha i kilaa, de mee hungihungi a Saul gu dee ahe ange e hulu i lolo.

Isaiah 24:6

Deelaa ai, de malaia gu hagadohu henua i lalo, gai dangada iai gu hagaduasala i hiidinga o olaadeu haisala. Deelaa ai, dangada e nnoho i henua i lalo gu dudu i de ahi, gai gu sogoisi donu huu dangada e doe.

Isaiah 34:5

Dagu gadilaasa gu hebagi i de langi, gai tilo, e hano iho naa e hagaduasala Edom, ma dangada aagu gu hagamodu e daa gi maakau.

Daniel 9:11

Israel alodahi gu hagahaisala au hainga, ma de hulo gee ai, gilaadeu tee llodo e hagallongo adu gi de goe. Deenei ai, denga hagamalaia ma mee gu hagatoo donu i lodo hainga a Moses, tangada hai hegau o de Maadua, gu gaamai gi gimaadeu, go hiidinga gimaadeu gu hai baasi adu gi de goe i demaadeu haisala.

Zechariah 5:3

Gai ia ga hai mai gi de au, “De beebaa nei e sisi ai de hagamalaia e gaavange gi honga henua i lalo alodahi; dahi baasi e sisi ai de hagaduasala o tangada gaiaa, gai de baasi ange laa e sisi ai de hagaduasala o tangada e haia dahi hagatoo donu hadu muna.

1 Chronicles 24:5

Gai gilaadeu ne vaevae i de dada; go hiidinga hanu gilaadeu ni dagi niio de hale dabu ma dagi ange gi de Maadua mai hagadiilinga o Eleazar aama Ithamar.

2 Chronicles 36:17

Tagi Maolunga ne hai hogi gi humai de hodooligi o de gau Babylon gi hai baasi ange gi gilaadeu, gai ia ne daa ga maakau alaadeu dama daane i de gadilaasa i lo te laadeu mommee dabu, ia tee lodo aloha ange donu gi dahi alaadeu dama daane, be se damaa hine, be se daane maadua, aabe se daane madumadua. Gai de Maadua ne dugu ange ia gi hagadee kii ina gilaadeu.

Jeremiah 52:27

Gai de hodooligi o Babylon ne daa gilaadeu ga maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

Daniel 9:12

De Maadua ne hagassula ana muna gu tala laa, e hai baasi mai ai gi gimaadeu ma omaadeu dagi, ne dagina gimaadeu, i dana gaamai dahi hai ngadaa laumalie gi gimaadeu. Gai tigi ai ange donu se hegau bee nei ne hai i lalo de langi, bei mee gu hai ange gi Jerusalem.