Isaiah 43:26 - De Beebaa Dabu

²⁶ Ahe ange hagamaanadu ina mai gi de au mee gu hai i mua, gai gidaadeu ga hagadaumee ai; daalaa de mee oou e hai baasi ai, gi iloo ai bolo koe e heohi.

Isaiah 43:26 Referans Kwoze

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

Isaiah 43:9

Denga huaahenua alodahi gu hagabuni mai gai dangada alodahi gu hagabuni. Gai goai i olaadeu magavaa e maua i de tala mee nei, ma de hagailoo mai gi gidaadeu mee gu hai i mua? Gilaadeu gi gaamai dangada e daalaa olaadeu heohi, gi langona ai e dangada gai gilaadeu ga hagataba, bolo gilaadeu e heohi!

Romans 8:33

Goai e maua i de hagabaubau gilaadeu a de Maadua gu hili? Go de Maadua e hagaheohi ina gilaadeu.

Psalm 141:2

Dagu dalodalo gi bei mee maanongi e dudu laa i oo mada i mua, gai au gi haalo ina luoogu lima i talodalo bei ssigidaumaha i de ahiahi.

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

Isaiah 41:1

Denga mommee i tagudai, goodou nnoho mage dee muu! Gai denga huaadangada alodahi gi haia gi mmahi gilaadeu. Gilaadeu gi hagapaa mai gi daalaa alaadeu muna; gai gidaadeu ga hagabuni e hagamodu.

Isaiah 50:8

De ia e daalaa dogu heohi e baa mai donu gi de au. Gai goai ai naa e hagabaubau ina au? Gidaadeu ga hagadau gaavange i de mommee hagamodu muna. Goai e lodo e hagabaubau au? Gai ia gi humai.

De Beebaa go Job 16:21

Mee naa gi dahi dangada e hagadaumee ange gi de Maadua bei de hai a tangada e dangidangi i hiidinga o tangada e baa ange gi de ia.

Genesis 32:12

Aagai koe ne hai mai, ‘Au e abodonu adu naa gi de goe, ma de hai gi soa doo aamuli gi bei de lagolago o denga gelegele i gabugabu tai, e dee maua laa i de dau.’ ”

Romans 11:35

Gai goai ne gaavange dahi mee gi de Maadua, gai ia ga hagao ange ai ia?”

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Ezekiel 36:37

E hagadaba de Ia Aamua go Iahweh: Au e ahe ange naa e dugu ange dangada o Israel gi dangidangi mai i de mee nei. Au e hai naa gi soa olaadeu dangada, bei dahi hagabuulingaa ssiibi lagolago,

Luke 10:29

Gai ia ne lodo e hagaheohi donu huu ia, deelaa ai, ia ne ssili ange gi Iesu, “Goai tangada e baa mai gi de au?”

Psalm 74:22

De Maadua, hidi age, daalaa hagadanuaa ina au hagatau; gai manadua de doo mee o de gau llodo ssenga i de goe i taiao ga boo ai.