Isaiah 43:19 - De Beebaa Dabu

¹⁹ Tilo, au e hai dahi mee hoou! Gai gu sula age donu; e aha, goodou tigi tonu ange laa aagena? Au e hai naa dahi haiava i de vao, ma denga saalingaa vai i de mommee e deai vai iai.

Isaiah 43:19 Referans Kwoze

Isaiah 48:6

Koe gu langona mee nei; galo ange diiloo mee nei alodahi, gai koe gi daalaa hagadonu mee nei. Mai iainei gai au e tala adu hanu mee hoou, ma mee e hagammuni gai koe e dee iloo.

Isaiah 42:9

Tilo, mee gu i mua gu hai ma gu lava, iainei gai au e tala mee hoou gu dai hai; au e tala adu mee nei gi goodou i mua de hai.”

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

Revelation 21:5

Gai de ia e noho laa i honga de nohoanga laa ga hagadaba, “Tilo, au e hai mee alodahi gi hoou.” Ia ne hagadaba hogi, “Siia mee nei, go hiidinga muna nei ni muna abodonu gai e heohi.”

Isaiah 41:18

Au e hai naa gi hanu saalingaa vai e ssali iho laa i denga mommee maolunga, ma vai e ssali age i lalo de henua i lodo geelonga. Au e hai naa de vao gi se mommee iai denga vai, gai de mommee mmasa gi ssali age ai vai i lalo de henua.

Jeremiah 31:22

Tamaa hine e dee hai hegau i de mee abodonu, dee hee maa taulooloa doo lua lodo? Tagi Maolunga gu hai dahi hegau hoou i henua i lalo — dahi hahine e duuli naa dahi daane.”

Exodus 17:6

Tilo, au e hano naa e duu i honga de baba i Horeb i oodou mada i mua; gai koe ga hai doo dogo ga hagaili ai de baba, gai denga vai e ssali mai naa i lo te baba e unu ai dangada.” Gai Moses ga hai mee nei i madamada o dagi o de gau Israel.

Deuteronomy 8:15

Ia ne dagi mai goodou laa lo te vao laumalie ma de hagamaatagu, se mommee iai denga labodo ma manu manga lua, gai e mmasa ma teai vai iai. Gai ia ne hai ga ssali age denga vai mai i lo te baba makaga ga hagaunu ai goodou.

Psalm 105:41

Ia ne hhuge de baba, gai gu sali mai ai denga vai; gai gu bei dahi saalingaa vai i de vao.

Numbers 20:11

Gai Moses ne hagaabo togo ga hagaili ai de hadu laa i e lua hanonga. Gai gu ssali mai vai lagolago, gai de hagabuulingaa dangada laa ma alaadeu manu ga unu ai.

Psalm 126:4

Tagi Maolunga, hagaahea mai demaadeu manuuia, bei dagodo o de vai e hagahonu age laa i Negev!

Isaiah 30:25

De laangi naa huu o de hebagi e daia ai laa dangada soa, ma de maoha ai de hale dagitilo maolunga, gai honga denga mounga ma duuduu maolunga iai naa denga mommee e ssali ai vai.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 33:21

Aagai go kilaa iai Tagi Maolunga taadeu Ia Maolunga. De mommee laa e bei dahi mommee iai leevaa nnui ma saalingaa vai. Gai e deai donu se vaga iai hoe e hulo ai, e deai hogi vaga mmahi e dele i kilaa.

Isaiah 35:1

De vao ma de gelegele e deai vai iai e lodo danuaa naa, gai lodo henua e malangilangi naa ma de aala ai denga huamanu bei de crocus,

Isaiah 41:19

Au e hai naa gi ssomo de cedar i de vao, ma de acacia, ma de myrtle, aama de olive; au e hai naa hogi gi ssomo denga pine i de vao, madali denga fir, aama cypress,

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Jeremiah 23:7

Aagai tilo, e tae mai naa laangi, go Tagi Maolunga e hagadaba, a dangada e dee hagataba ai, ‘Gimaadeu e hagatoo donu i de mouli o Tagi Maolunga, de ia ne hagassao ina mai de gau Israel i Egypt,’

Isaiah 48:5

Deenei ai, au ne tala adu mee nei madagidagi loo, gai au ne tala adu mee nei gi de goe i mua de hai, gi dee hagadaba ai goe, “Go dogu diinonga ne haia mee nei; gai go denga diinonga laagau ma diinonga baalanga ne hagasauaa ina mee nei.”

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.