Isaiah 43:13 - De Beebaa Dabu

¹³ Uaa, go au donu de Maadua, mai iainei ga hano ai, go au donu go ia. Gai e deai donu se dangada e maua i de hagaola dahi mai i de au. Gai goai e maua i de buibui au i de masavaa aagu e hai ai dahi hegau?”

Isaiah 43:13 Referans Kwoze

Isaiah 14:27

Tagi o denga hagabuulinga hebagi gu hai dahi hagamodu, gai goai naa e maua i de buibui gi dee hai? Dono lima gu hagaabo, gai goai naa e maua i de hagaahe dua?

Isaiah 46:10

Mai i taamada age gai au ne tala gi iloo mee e hai i de hagaodi, gai madagidagi loo, gai au ne tala mee tigi tae mai. Au e hagadaba, “Agu hagatau e dee haisala donu, gai au e hagassula naa donu mee alodahi oogu e lodo ai.”

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.

John 8:58

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, i mua de haanau o Abraham, gai au gu dahi donu.”

De Beebaa go Job 9:12

Tilo, noo ia e kave gee, gai goai naa e buibui ina ia? Goai e maua i de hai ange gi de ia, ‘Ni aha aau e hai naa?’

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 41:4

Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

Psalm 93:2

Doo nohoanga hodooligi ne hagaduu ga makaga madagidagi loo; koe e dee ngado mai ga hano ai.

Psalm 50:22

Goodou gu ngalo laa de Maadua, hagasaelea de mee nei, au kana hangahanga goodou, gai gu deai e maua i de hagaola goodou.

Habakkuk 1:12

Tagi Maolunga, e aha, koe tee noho mai laa i taamada? Go koe dogu Maadua, dogu Ia Dabu, gimaadeu e dee maakau donu. Tagi Maolunga, koe ne hagatau bolo gilaadeu gi hagaduasala ina gimaadeu; gai go koe, de Baba, ne hagamodu ina ange gilaadeu gi haelea gimaadeu.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Proverbs 8:23

Madagidagi loo gai au gu dahi donu, ma mai i taamada age, aama mai i mua de dahi o henua i lalo.

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

Deuteronomy 28:31

Koe e gidee naa de daa o au kaau, gai e deai donu se mee daudahi aau e gai ai. Koe e gidee naa de gaavee gee au donkey mai i oo daha, gai e dee hagaahe adu naa donu gi de goe. Au ssiibi e gaavange naa gi oo hagadaumee, aagai e deai naa donu se dangada e balea adu goe.

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Hosea 2:10

Iainei gai au ga hagaui nei gi deai ono malo gi dogaa ai ia i ono dau soa, gai e deai naa donu e maua i de hagaola ia mai i de au.

Numbers 23:20

Tilo, ia gu tala mai, au gi hagamanuuia ina; ia gu hagamanuuia, gai au e dee maua donu i de sui!

Isaiah 46:4

Go au donu de ia e diiloo adu goe, go au ne haia goe ma de saabai goe; ga dae ai loo gi de masavaa oou e madumaatua ai ma de sinaa doo biho, go au e balea adu goe ma de hagaola goe.

Isaiah 47:15

Gai de gau bee nei, go gilaadeu nogo hai hegau madali goe, ma de hulo saele madali goe mai i doo gauligi, gilaadeu alodahi e duudagi donu de hulo gee i de haiava, gai e deai donu se gilaadeu e maua i de hagaola goe.

Isaiah 48:16

Loomai gi paa mai goodou gi de au, mage hagalaangona muna nei: Mai i taamada gai au tee tala hagammuni dahi mee, de masavaa ne hai ai mee nei, gai au i kilaa. Iainei gai de Ia Aamua go Iahweh ma dono Hagasaalunga gu hai au gi humai.

Joshua 2:2

Gai hanu ne tala ange gi de hodooligi o Jericho, ga hai ange, “Tilo, hanu daane Israel gu loomai gi kinei anaboo nei, e mulidagi ai de henua.”

De Beebaa go Job 10:7

Koe e iloo bolo au tigi ai donu ogu sala, gai e deai hogi se dangada e hagaola ina mai au i doo sauaa.

Psalm 102:28

Dama a oo dangada hai hegau e nnoho paba naa, gai olaadeu aamuli e dee llilo naa donu mai i mada luoo mada.”