Isaiah 42:6 - De Beebaa Dabu

⁶ “Go au go Tagi Maolunga, au ne hagahi goe i de heohi, au e poo naa donu doo lima. Au e tilo adu goe, ma de hai goe gi se hagatoo donu hagaheloongoi ange gi dangada, gai gi se maalama ange gi denga huaahenua;

Isaiah 42:6 Referans Kwoze

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Acts 13:47

Go hiidinga deenei de mee a Tagi Maolunga gu tala mai gi gidaadeu, e hagadaba: ‘Au gu hai goe gi se maalama ange gi denga Gentile, gai koe ga kave ai de hagaola gi de bido laa o henua i lalo.’ ”

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Isaiah 26:3

Koe e hai gi nnoho paba gilaadeu alodahi e maanadu goe i olaadeu lodo, i hiidinga gilaadeu e hagadonusia goe.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

Acts 26:23

Klisdo e hagaduasala naa, gai go ia taamada o de mouli age mai i de magau, gai ia ga tala ange dagodo o de maalama gi ono dangada go de gau Ssuu aama denga Gentile.”

2 Corinthians 1:20

Gai denga hagatoo donu alodahi a de Maadua se “Uaa” i daho Klisdo. Deenei de hiidinga adaadeu e hagataba ai laa “Amen” i dono ingoo, gi hagamahamaha ina ai de Maadua.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 41:13

Go hiidinga go au donu go Iahweh, doo Maadua, au e poo naa doo lima madau, ma de ga hai adu gi de goe, “Aude madagu, go au donu e balea adu goe.”

Hebrews 8:6

Aagai Iesu ne kave dahi duulanga hegau e maolunga ange i hegau madagidagi, go hiidinga de hagatoo donu hagaheloongoi aana e hai hegau ai e danuaa ange, i hiidinga ne hagaduu i denga hagatoo donu e danuaa ange.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

Isaiah 45:13

Go au ne hagasula ina Cyrus i dogu heohi gai au e hai naa gi ssoe ono haiava alodahi. Gai ia e hagaduu age ange naa dogu aduhale, ma de hagaola ogu dangada gu gaavee laa, aagai e dee hagao aabe e sui ange,” go Tagi o denga hagabuulinga hebagi e hagadaba.

Hebrews 12:24

ma daho Iesu, de ia e hano i magavaa o dangada ma de Maadua, i de hagatoo donu hagaheloongoi hoou, ma de hagatoo madaua ange dodo e daalaa muna e danuaa ange laa i dodo o Abel.

Matthew 26:28

go hiidinga mee nei go ogu dodo, go dodo o de hagatoo donu hagaheloongoi, ne hagassali laa i hiidinga o dangada soa, e tala ai haisala.

Isaiah 32:1

Tilo, dahi hodooligi e dagi naa i de heohi, gai dagi o de henua e dagi naa i de hagamodu heohi.

Hebrews 7:2

gai Abraham ne vvae ange gi de ia dahi diba i diba e madaangahulu o mee alodahi. Tahi mee deenei, de hagadoonunga o dono ingoo go “Hodooligi o de Heohi;” gai go ia hogi de “hodooligi o Salem” e bei go “de Hodooligi o de Baba.”

Isaiah 27:3

“Go au donu, Tagi Maolunga, e diiloo ange de veelenga laa; au e hagamaluulu i vai i masavaa alodahi. Gai au e hagaloosi ange i de boo ma de laangi, gi dee humai ai dahi dangada gi vaivai haia.

Isaiah 41:2

Goai ne hai gi humai dahi i dua, ma de hagahi ia gi haia ana hegau i dono heohi? Ia ne gaavange denga huaahenua gi de ia, ma de hagadee kii denga hodooligi i ono mada i mua. Ia e hai gilaadeu gi bei de mama o de gelegele i dana gadilaasa, gai dana mee hholu e hai gilaadeu bei de mama a de madangi e ili laa ga kave.

Isaiah 45:1

“Tagi Maolunga e hai ange gi de ia aana gu hagadabu i de lolo, go Cyrus, go de ia aagu e poo dono lima madau e hagadee kii ai denga huaahenua i ono mada i mua, ma de hai ia gi gaavee goloa hebagi o denga hodooligi; ma de hhuge denga haitoga i ono mada i mua, gai denga haitoga o de aduhale e dee pono naa donu:

Jeremiah 12:16

Gai de masavaa naa huu alaadeu e kana ange ai ga ago haiava o ogu dangada, ma de hagatoo donu i dogu ingoo, ga hagataba, ‘Au e hagatoo donu i de mouli o Tagi Maolunga’ — bei delaadeu hai ne agoago ange ai ogu dangada, gi hagatoo donu i de ingoo o Baal — gai gilaadeu e nnoho paba naa i magavaa o ogu dangada.