Isaiah 42:25 - De Beebaa Dabu

²⁵ Deelaa ai, ia ne gaamai gi de ia de hagaduasala i de kona dono lili, ma de hebagi laumalie. Gai ne duuli luoono baasi i de ahi ula, aagai ia tee donu ange aagena; de ahi ne dudu ia, aagai gilaadeu tee maanadu dagodo o mee laa.

Isaiah 42:25 Referans Kwoze

Hosea 7:9

De gau henua gee gu hai gi deai ono mahi, aagai ia e dee gidee iho donu. Ia gu sinasinaa dono biho aagai ia e dee iloo donu.

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Isaiah 57:1

Tangada heohi gu magau, gai e deai donu dangada e anga ange aagena; dangada e haia de mee abodonu gu gaavee gee, gai e deai donu dangada e iloo. Go hiidinga tangada heohi ne gaavee gee e hagaola mai ai ia i de baubau.

2 Kings 25:9

Gai ia ne dudu de hale o Tagi Maolunga, ma de hale o de hodooligi, aama denga hale alodahi i Jerusalem. Ia ne dudu hogi denga hale hagamogomogo alodahi i kilaa.

Nahum 1:6

Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Ezekiel 20:34

Gai au e hagaahe mai naa goodou i daho dangada ma henua oodou gu mavaevae saele laa aagena, i dagu haalo dogu lima mmahi i dogu bole.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Isaiah 47:7

Koe ne hagadaba, “Au se hine hodooligi ga hano ai e dee ngado mai.” Aagai koe tee hagasaele donu dagodo o mee nei, aabe ne maanadu dagodo o de hagaodi o au hegau.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Isaiah 9:13

Aagai de huaadangada laa tee aahe mai donu gi de ia ne hagaduasala ina gilaadeu, gilaadeu tee ssala hogi Tagi o denga hagabuulinga hebagi.

Deuteronomy 32:22

Gai de ahi gu hakaa i hiidinga o dogu lili, gai e ula ga hano gi de mommee o de gau maakau, gai e dudu naa honga de henua ma mee alodahi e ssomo ai, ma de haula ga kaa daahido o denga mounga.

De Beebaa go Job 40:11

Haia gi humai doo lili ma doo bole, gai diiloo hagamaolalo ina tangada hagamaolunga;

Isaiah 5:25

Deelaa ai, Tagi Maolunga gu lili mmao i ono dangada, gai ia ne hagaabo dono lima ga daa gilaadeu gu maakau. Denga mounga gu ngalungaalue; de gau maakau gu daakodo saele i honga denga haiava bei denga gainga. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Isaiah 9:19

De lili o Tagi o denga hagabuulinga hebagi gu dudu de henua, gai dangada gu bei denga lahhie e haula ai de ahi; gu deai donu se dangada e hagaola ina dono daina.

Isaiah 48:8

Koe tigi langona naa donu aabe gu donu ange; mai loo i mua gai luoo dalinga tigi maahuge donu. Gai au e iloo dagodo o doo dee hai hegau i de mee heohi, gai koe ne hagaingoo ange bolo se dangada hagamanege mai i doo haanau.

Jeremiah 7:20

Deenei ai, e hagadaba de Ia Aamua go Iahweh: Au e hai naa gi humai dogu lili aama dogu bole gi honga de mommee nei, ma honga o dangada ma manu dolodolo, ma honga manu ssomo ma hua o de gelegele. Mee nei e dudu naa, gai e dee maua naa donu i de diinei.”

Jeremiah 12:11

Gilaadeu gu hai de henua ma gu ngadi henua, gu ngadi dagodo ma de dangi mai gi de au. De henua alodahi gu se ngadi mommee, aagai gu deai donu dangada e anga ange aagena.

Lamentations 2:3

Ia ne hai gi deai mahi o Israel i hiidinga de kona dono lili. Ia ne aau dono lima sauaa e buibui ai laa gilaadeu, i de masavaa o olaadeu hagadaumee ne loomai ai. Ia ne hai baasi ange gi Jacob bei dagodo o de ahi, ga hagallilo mee alodahi i kilaa.

Lamentations 2:4

Ia ne dada dana mee hholu bei hegau a de hagadaumee; gai dono lima madau gu baba donu. Ia ne daa ga maakau gilaadeu alodahi e tilo danuaa, bei hegau a de hagadaumee; ia ne llingi iho dono bole bei de ahi gi honga de hale malo o tamaa hine o Zion.