Isaiah 42:19 - De Beebaa Dabu

¹⁹ Goai e dee gide, e dee go dogu dangada hai hegau? Gai goai e longoduli bei tangada hagailoo aagu ne hai gi hano? Goai e dee gide bei tangada gu vvae mai gi de au, ma tee gide bei tangada hai hegau o Tagi Maolunga?

Isaiah 42:19 Referans Kwoze

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Ezekiel 12:2

“Tama a tangada, koe e noho i magavaa o dahi huaadangada hagamaanege. E hanu olaadeu ganomada e tilo ai, aagai gilaadeu e dee gidee; e hanu olaadeu dalinga e hagallongo ai, aagai gilaadeu e dee langona, go hiidinga gilaadeu se huaadangada hagamaanege.

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

John 12:40

“Ia gu hai gi dee kide gilaadeu ma de hagamakaga olaadeu lodo, kana gidee naa huu e gilaadeu ga tonu ange gai gilaadeu ga daahuli olaadeu lodo, gai au ga hagaieiangi gilaadeu.”

John 9:41

Iesu ne hai ange gi gilaadeu, “Noo goodou e dee kide, gai goodou e dee hagabaubau i oodou haisala; aagai go hiidinga goodou e hagataba bolo goodou e gidee, deelaa ai, goodou e haisala donu.”

John 9:39

Iesu ne hai ange gi de ia, “Au se humai gi henua i lalo e hagamodu ai muna; gai gi gidee ai gilaadeu e dee kide, gai gilaadeu e gidee gi dee kide.”

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

Isaiah 44:26

go au e hagassula ina muna a ogu dangada hai hegau, aama de hagassula muna pelaabisi a ogu dangada hagailoo. Au e hagadaba i dagodo o Jerusalem, ‘Dangada e aahe ange naa ga nnoho ai,’ ma de hagadaba i dagodo o aduhale o Judah, ‘Denga aduhale e hagatuu age ange naa, gai au e hagaahe age naa mommee gu maoha laa.’

Isaiah 41:8

Israel, go koe dogu dangada hai hegau, Jacob, go de ia aagu ne hili, goodou go hagadiilinga o dogu soa go Abraham.

Isaiah 26:3

Koe e hai gi nnoho paba gilaadeu alodahi e maanadu goe i olaadeu lodo, i hiidinga gilaadeu e hagadonusia goe.

Isaiah 6:9

Gai ia ne hai mai gi de au, “Hannoo hai ange gi de huaadangada nei: ‘Goodou e dee modu doodou langona, aagai e dee maua gi tonu ange, goodou e dee modu de gidee, aagai e dee maua gi madea.’

Matthew 13:13

Deenei de hiidinga oogu e basa ange ai nei gi dangada i denga mee hagasengasenga: gilaadeu e gidee gai e dee madea, gilaadeu e langona gai e dee tonu ange aagena.

Isaiah 27:5

Gai noo gilaadeu e llodo e hai au go delaadeu buibui, gai gilaadeu gi hagadanuaa mai gi de au, gilaadeu gi hagadanuaa mai gi de au.”

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

Isaiah 43:8

Dagina mai gilaadeu e hanu olaadeu ganomada, aagai e dee kide, ma gilaadeu e hanu olaadeu dalinga, aagai e longoduli.