Isaiah 42:17 - De Beebaa Dabu

¹⁷ Dangada e hagadonusia denga diinonga ma de hai ange gi denga diinonga laagau ma diinonga baalanga, “Go goodou omaadeu maadua,” e aahe dua naa ma de dookaa.

Isaiah 42:17 Referans Kwoze

Psalm 97:7

Dangada alodahi e daumaha ange gi denga diinonga e dookaa naa, ma gilaadeu e duuhia denga diinonga; denga diinonga alodahi, daumaha ange gi de ia!

Isaiah 44:11

Tilo, ono soa alodahi e dookaa naa, gai denga labagau alodahi ni dangada donu huu. Gilaadeu alodahi gi hagabuni, gilaadeu gi tuu age; gai gilaadeu alodahi e maatagu naa ma de dookaa.

Isaiah 1:29

Goodou e dookaa naa i hiidinga o denga oak dabu oodou e malangilangi ai laa; goodou e dookaa naa i hiidinga o denga veelenga oodou gu hilihili.

Isaiah 44:17

Gai ia e hai dahi diinonga i laagau e doe, e hai ai dono maadua; gai ia e duuduli ange ma de daumaha ange aagena. Ia e dalodalo ange, ga hai ange, “Hagaola ina mai au, go koe donu dogu maadua.”

Exodus 32:8

Gilaadeu ne moolau donu de hulo gee mai i de haiava aagu gu tala ange gi gilaadeu; gilaadeu gu lava i de hai dahi kaau baalanga, ma gu daumaha ma de sigidaumaha ange aagena, ma de hagataba, ‘De gau Israel, aanei denga diinonga ne hagassao ina mai goodou i de henua go Egypt!’ ”

Exodus 32:4

Gai Aaron ne kave hakai laa i daho dangada ga hagavaivai, ga hai ai dahi kaau goolo. Gai gilaadeu ga hagataba, “De gau Israel, aanei denga diinonga ne hagassao ina mai goodou i de henua go Egypt.”

Isaiah 44:9

Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

Isaiah 65:13

Deenei ai, e hagadaba de Ia Aamua go Iahweh, “Tilo, ogu dangada hai hegau e gaimee naa ga boobosu, aagai goodou e hiikai; ogu dangada hai hegau e unu naa ga boobosu, aagai goodou e hieunu, ogu dangada hai hegau e malangilangi naa, aagai goodou e hagadookaa ina naa.

Jeremiah 46:5

Gai ni aha aagu e gidee adu nei? Gilaadeu gu maatagu, gilaadeu gu aahe dua; olaadeu daane dau i de hebagi gu hagadee kii ina. Gilaadeu gu saavini ma gu hulo gee, gai tee kalo dua donu; gai de mee hagamaatagu gu i mommee alodahi, go Tagi Maolunga e hagadaba.

Psalm 135:18

Dangada ne haia denga diinonga, e bei naa donu olaadeu dagodo, gai e bei ai hogi gilaadeu e hagadonusia mee nei.