Isaiah 42:13 - De Beebaa Dabu

¹³ Tagi Maolunga e humai naa bei taane dau i de hebagi, ia e bei naa taane hebagi e hagammahi laa ia; ia e oo i de masavaa o de hebagi, ma de hagadee kii ono hagadaumee.

Isaiah 42:13 Referans Kwoze

Psalm 78:65

Gai de Ia Aamua gu alahage ange hogi, bei dagodo o taane mmahi e oo laa i dono senga.

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Amos 1:2

Ia ne hagadaba: “Tagi Maolunga e hagangolo mai i Zion, ma de basa mai i Jerusalem bei de babaa o de hatuli; mommee iai helii a de gau hagaloosi manu e tangi naa, gai ulu de mounga go Carmel e mmae naa.”

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Nahum 1:2

Tagi Maolunga e lodo gaiaa, gai se Maadua e sui ange de baubau; Tagi Maolunga e sui ange baubau o ono hagadaumee. Tagi Maolunga e sui ange hegau a ono hagadaumee, ma de hagaduasala gilaadeu e kino i de ia i dono bole.

Hosea 11:10

Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.

Jeremiah 25:30

Deenei ai, basa pelaabisi daalaa muna nei alodahi hai baasi ange gi gilaadeu, ga hai ange: ‘Tagi Maolunga e haganngolo mai naa i de mommee maolunga, ma de basa mai i dono mommee noho dabu. Ia e hagangolo mai naa i de leo mmahi e hai baasi ange gi dono henua. Ia e oo naa bei dangada e dagadagahia laa denga grape, ga hai baasi ange gi dangada alodahi e nnoho i henua i lalo.

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Psalm 118:16

De lima madau o Tagi Maolunga gu kii; de lima madau o Tagi Maolunga gu hagaago mai ono mmahi!”

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Isaiah 37:32

Gai e hanu naa donu dangada e doe i Jerusalem, gai e hanu e ola i de mounga go Zion. Go mahi donu o Tagi o denga hagabuulinga hebagi e hagassula ina de mee nei.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.