Isaiah 41:9 - De Beebaa Dabu

⁹ Au ne gaamai goodou i de bido laa o henua i lalo, ma de hagahi mai goodou i de mommee mmao. Gai au e hai adu, “Go koe dogu dangada hai hegau;” au gu hili goe, gai tee tili donu goe.

Isaiah 41:9 Referans Kwoze

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Psalm 94:14

Tagi Maolunga e dee tili donu ono dangada, ia e dee tili donu ana dangada gu hili.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Luke 13:29

Dangada e loomai naa i dua ma dai, ma ngaiho ma ngaage ga noho i teebele i de nohoanga hodooligi o de Maadua.

Isaiah 41:8

Israel, go koe dogu dangada hai hegau, Jacob, go de ia aagu ne hili, goodou go hagadiilinga o dogu soa go Abraham.

Isaiah 41:2

Goai ne hai gi humai dahi i dua, ma de hagahi ia gi haia ana hegau i dono heohi? Ia ne gaavange denga huaahenua gi de ia, ma de hagadee kii denga hodooligi i ono mada i mua. Ia e hai gilaadeu gi bei de mama o de gelegele i dana gadilaasa, gai dana mee hholu e hai gilaadeu bei de mama a de madangi e ili laa ga kave.

Deuteronomy 14:2

Go hiidinga goodou gu hagadabu ange gi Tagi Maolunga doodou Maadua. Gai Tagi Maolunga gu hili goodou mai i denga huaadangada alodahi o henua i lalo, e hai ai dono huaadangada hagamogomogo.

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 44:1

“Aagai koe, Jacob, dogu dangada hai hegau, hagalaangona, ma Israel, de ia aagu gu hili.

Isaiah 45:4

Au e hagahi adu goe i doo ingoo i hiidinga o Jacob, dogu dangada hai hegau, ma Israel, de ia aagu gu hili, ma de gaavadu gi de goe dahi ingoo hagadubu e dee galemu donu koe e dee iloo au.

Malachi 1:2

E hagadaba Tagi Maolunga, “Au ne aloha i de goe.” Aagai goodou e ssili, “Dee hee doo hai e aloha ai i gimaadeu?” E hagadaba Tagi Maolunga, “E aha, e dee go Esau taina daane o Jacob? Gai au ne aloha i Jacob,