Isaiah 41:4 - De Beebaa Dabu

⁴ Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

Isaiah 41:4 Referans Kwoze

Revelation 22:13

Go au de Alpha ma de Omega, go au Tahi gai go de Hagaodi, go Taamada ma de Hagaodi.”

Isaiah 48:12

Jacob, noho mai hagalaangona agu muna, Israel, de ia aagu ne hagahi: go au donu deenei; go au taamada, gai go au de hagaodi.

Revelation 1:17

De masavaa aagu ne gidee ai ia, gai au ga hagabaguu gi honga de gelegele i gaogao luoono vae gu bei dagodo o tangada magau. Aagai ia ga poo mai au i dono lima madau, ga hai mai, “Aude madagu, go au Tahi gai go au de Hagaodi,

Isaiah 41:26

Goai ne daalaa mee nei i taamada age, gi iloo ai e gidaadeu, aabe ne daalaa mee nei i mua de hai, gai gidaadeu ga hagataba ai, “Ne heohi donu ana muna”? Teai donu se dangada ne daalaa de mee nei, teai hogi ne daalaa de mee nei i mua de hai, gai teai donu se dangada ne langona dau tala mee nei.

Isaiah 46:10

Mai i taamada age gai au ne tala gi iloo mee e hai i de hagaodi, gai madagidagi loo, gai au ne tala mee tigi tae mai. Au e hagadaba, “Agu hagatau e dee haisala donu, gai au e hagassula naa donu mee alodahi oogu e lodo ai.”

Isaiah 43:10

E hagadaba Tagi Maolunga, “Go goodou ogu dangada hagadonu, gai go dogu dangada hai hegau aagu gu hili, gai gi iloo ai e goodou ma de hagadonu, aama de tonu ange bolo go au donu deenei. E deai ange donu se maadua gu humai i ogu mua, aabe se maadua e humai i ogu dua.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

Isaiah 42:24

Goai ne gaavange Jacob bei goloa e maua i de hebagi, ma de dugu ange Israel gi de gau gaiaa? E aha, e dee go Tagi Maolunga, de ia odaadeu gu haisala ange laa aagena? Go hiidinga gilaadeu tee llodo e daudali i ono haiava, gilaadeu tee llodo e hagallongo ange gi ana hainga.

Revelation 2:8

“Gai siia ange muna nei gi tangada de langi o de nohoanga dabu i Smyrna: Aanei muna mai i daho de ia i taamada gai go de hagaodi, go de ia ne magau laa gai gu mouli age ange.

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Isaiah 40:12

Goai gu hagabaulia denga vai i lo tono lima, aabe go de maaga de lahalaha o lo te langi? Gai goai gu daohia denga gelegele o henua i lalo i lo te gede, aabe go de hagahidi denga mounga i denga mee hagahidi, ma de hagahidi denga duuduu?

Acts 15:18

go mee gu iloo madagidagi loo.’

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Psalm 102:27

Aagai koe go tagodo mau donu huu, gai oo ngadau e dee ngado mai donu.

Isaiah 41:3

Ia e doolohi gilaadeu ma de hano ga ui tee lagohia, gai ne hano i dahi haiava oona tigi hano ai i mua.

Isaiah 43:13

Uaa, go au donu de Maadua, mai iainei ga hano ai, go au donu go ia. Gai e deai donu se dangada e maua i de hagaola dahi mai i de au. Gai goai e maua i de buibui au i de masavaa aagu e hai ai dahi hegau?”

Psalm 102:28

Dama a oo dangada hai hegau e nnoho paba naa, gai olaadeu aamuli e dee llilo naa donu mai i mada luoo mada.”

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.