Isaiah 41:21 - De Beebaa Dabu

²¹ Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

Isaiah 41:21 Referans Kwoze

De Beebaa go Job 38:3

Hagadabena mage duu age be se daane, gai au ga ssili adu agu muna, gai koe ga basa mai.

De Beebaa go Job 31:37

Au e tala ange naa gi de ia agu mee alodahi gu hai; au e hedae ange naa gi de ia, bei dagodo o dahi dagi.) —

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 41:1

Denga mommee i tagudai, goodou nnoho mage dee muu! Gai denga huaadangada alodahi gi haia gi mmahi gilaadeu. Gilaadeu gi hagapaa mai gi daalaa alaadeu muna; gai gidaadeu ga hagabuni e hagamodu.

Isaiah 43:9

Denga huaahenua alodahi gu hagabuni mai gai dangada alodahi gu hagabuni. Gai goai i olaadeu magavaa e maua i de tala mee nei, ma de hagailoo mai gi gidaadeu mee gu hai i mua? Gilaadeu gi gaamai dangada e daalaa olaadeu heohi, gi langona ai e dangada gai gilaadeu ga hagataba, bolo gilaadeu e heohi!

Isaiah 43:15

Go au donu Tagi Maolunga, doodou Ia Dabu, de ia ne hagadau ina Israel, go doodou Hodooligi.”

Isaiah 46:10

Mai i taamada age gai au ne tala gi iloo mee e hai i de hagaodi, gai madagidagi loo, gai au ne tala mee tigi tae mai. Au e hagadaba, “Agu hagatau e dee haisala donu, gai au e hagassula naa donu mee alodahi oogu e lodo ai.”