Isaiah 41:17 - De Beebaa Dabu

¹⁷ De gau hagaau aloha ma gilaadeu e duasala e sala vai unu, aagai gu deai donu vai; olaadeu hakii gu mmasa gee naa i delaadeu hieunu. Aagai au, Tagi Maolunga, e basa ange naa gi alaadeu dalodalo, go au, de Maadua o Israel, au e dee tili donu gilaadeu.

Isaiah 41:17 Referans Kwoze

Isaiah 55:1

Loomai, goodou alodahi e hieunu, loomai gi de vai; gai goodou e deai oodou sseene, loomai, hagao ina ma gi gaina! Loomai hagao ina uvaini ma vai uu e dee hagao i sseene, gai e deai sono hagaoanga.

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Genesis 28:15

Gai au e noho naa madali goe ma de tilo adu goe i mommee alodahi oou e hano aagena, gai au e hagaahe mai naa donu goe gi de henua nei, gai au e dee tili naa donu goe ga dae ai gi dagu hagassula mee aagu gu hagatoo donu adu gi de goe.”

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

2 Corinthians 12:9

Aagai ia ne hai mai gi de au, “Dogu abodonu e dohu i de bale adu ai goe, gai ogu mahi e hai ga honu abodonu i doo baageaa.” Deenei ai, au e kii ange donu de malangilangi i de tala tuhi dogu baageaa, gi dagodo ai ssauaa o Klisdo i ogu daha.

Luke 16:24

Gai taane lava laa ga hai ange gi de ia, ‘Tamana go Abraham, lodo aloha mai gi de au, ma gi haia Lazarus gi humai gi hagasulu ina ange dono madannia gi lodo vai gi hagamaluulu ina ai dogu alelo. Au gu kona mmao dogu duasala i lo te ahi nei!’

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Lamentations 4:4

De alelo ma de ngudu o de gaagaa gu mmasa gee i dono hieunu; denga gauligi vaaligiligi gu dangidangi i hanu gai, gai gu deai donu se dangada e haangai ina ange gilaadeu.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 43:20

Denga manu lodo henua bei jackal ma ostrich e hagadubu au, go hiidinga au e hai gi hanu vai i de vao, ma saalingaa vai i de mommee e deai vai iai, e hagaunu ai ogu dangada, go gilaadeu aagu ne hili,

Psalm 94:14

Tagi Maolunga e dee tili donu ono dangada, ia e dee tili donu ana dangada gu hili.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 42:2

Au e lodo mmao i de Maadua, go de Maadua e mouli laa. Gai go aahee oogu e humai ai gi mada luu mada o de Maadua?

Psalm 34:6

Tangada hagaaloha nei ne dangi, gai Tagi Maolunga gu langona dana dangi, ga hagaola ia mai i ono hai ngadaa alodahi.

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Exodus 17:6

Tilo, au e hano naa e duu i honga de baba i Horeb i oodou mada i mua; gai koe ga hai doo dogo ga hagaili ai de baba, gai denga vai e ssali mai naa i lo te baba e unu ai dangada.” Gai Moses ga hai mee nei i madamada o dagi o de gau Israel.

Exodus 17:3

Aagai de huaadangada gu kona i de hieunu i kilaa, gai gilaadeu ga nnanu i Moses, ga hai ange, “Koe se hagassao mai nei gimaadeu mai i Egypt, ma amaadeu dama aama amaadeu manu e daa gi maakau i demaadeu hieunu?”

Psalm 37:25

I mua gai au se dama daane gai iainei au gu madumadua; aagai au tigi gidee donu tangada heohi gi dilia, aabe ana dama gi hulo gi dangidangi i denga gai.

Psalm 74:21

Koe gi dee hagadookaa ina gilaadeu e duasala; gai gilaadeu e hagaau aloha ma gilaadeu e duasala ga tuhi ai goe.

Isaiah 48:21

Gilaadeu tee hieunu i de masavaa olaadeu ne hulo saele ai i de vao; ia ne hai denga vai gi ssali mai lo te baba; ia ne hhanga de baba gai denga vai gu ssali mai ai.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Isaiah 58:11

Gai Tagi Maolunga e dagi naa goe i masavaa alodahi, ia e gaavadu oo mee e duasala ai i de masavaa hai ngadaa, ma de hagammahi doo angaanga. Gai koe e bei naa dagodo o de veelenga gu maluulu danuaa laa, ma de vai e dee maua laa gi masa.

Isaiah 62:12

Gai gilaadeu e hagaingoo ange naa go de Gau Dabu, go Dangada a Tagi Maolunga gu Hagaola; gai koe e hagaingoo ange naa go de Aduhale e Saalaa, se Aduhale e dee Dilia.

Isaiah 65:13

Deenei ai, e hagadaba de Ia Aamua go Iahweh, “Tilo, ogu dangada hai hegau e gaimee naa ga boobosu, aagai goodou e hiikai; ogu dangada hai hegau e unu naa ga boobosu, aagai goodou e hieunu, ogu dangada hai hegau e malangilangi naa, aagai goodou e hagadookaa ina naa.

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Ezekiel 47:8

Gai ia ne hai mai gi de au, “De vai nei e sali ma e hano gi baasi i dua, gai e hano iho hogi gi Arabah, go kilaa e duu ange ai gi Tai Magau. Gai de masavaa naa huu e ulu ange ai ono vai gi lo te Dai Magau, gai vai soolo i kilaa gu sui ga ni vai danuaa.

1 Kings 17:8

Gai Tagi Maolunga ne hagaago ange ana muna gi Elijah, ga hai ange,

2 Chronicles 6:17

Deenei ai, Tagi Maolunga, de Maadua o Israel, hagassula ina au hagatoo donu ange ai gi doo dangada hai hegau go David.

Jeremiah 31:25

Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”