Isaiah 41:16 - De Beebaa Dabu

¹⁶ Koe e nonu naa mee nei i de madangi, gai de madangi e ili naa ga kave gee, de madangi mmahi e hagassii saele naa gilaadeu. Gai goodou e malangilangi naa i Tagi Maolunga, goodou e hagamahamaha naa de Ia Dabu o Israel.

Isaiah 41:16 Referans Kwoze

Jeremiah 51:2

Au e hai naa gi hulo de gau henua gee gi Babylon e nonu ai de henua bei de ili gi deai dangada i dono henua; gilaadeu e hebagi ange gi de henua i luu baasi alodahi i de laangi oona e hai ngadaa ai.

Habakkuk 3:18

aagai au e malangilangi donu i hiidinga o Tagi Maolunga, au e lodo danuaa naa donu i de Maadua, dogu Ia Hagaola.

Jeremiah 15:7

Au e nonu naa gilaadeu bei de hai e hili ai laa denga grain i de poogo laagau, i gaogao denga haitoga o de henua. Au e hai naa gilaadeu gi hinangalosaa i alaadeu dama, ma de daa gi maakau ogu dangada; go hiidinga gilaadeu tigi sui donu i olaadeu dagodo.

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Romans 5:11

Gai e dee deenei donu huu, gai gidaadeu e malangilangi hogi i de Maadua, i daho taadeu Dagi Maolunga go Iesu Klisdo, go de ia ne haia ga maua e gidaadeu de hagadanuaa odaadeu magavaa ma de Maadua.

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Psalm 1:4

Gai de gau baubau e dee aanei olaadeu dagodo; gilaadeu e bei dagodo o gili grain e ilihia laa i de madangi.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Isaiah 28:5

De laangi laa gai Tagi o denga hagabuulinga hebagi e hai naa go de hau mahamaha, gai se hau ua mahamaha ange gi ono dangada e doe laa.

Isaiah 29:5

Aagai oo hagadaumee soa e bei naa mama o de gelegele, gai de gau daa dangada e loomai nei bei gili grain e ilihia laa ga gaavee gee. Gai e daa hagalele naa donu huu,

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 40:24

De masavaa donu huu olaadeu ne doo ai, de masavaa donu huu i dua delaadeu doo, de masavaa donu huu o olaadeu aga ne ssomo ai i lo te gelegele, gai ia ga busi gilaadeu, gai gilaadeu gu mmae, gai de madangi ga ili gilaadeu ga kave bei lau o denga grain.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Isaiah 60:19

Gai e dee go de laa e hagamaalama ina goe i de laangi, e dee go de maasina hogi e hagamaalama ina goe i de boo; gai go Tagi Maolunga donu doo maalama ga hano ai, gai go doo Maadua e hagamahamaha ina goe.

Isaiah 65:18

Aagai goodou llodo danuaa ma de malangilangi ga hano ai, i mee aagu gu hai; tilo, au e hai naa Jerusalem gi malangilangi, gai ono dangada gi llodo danuaa.

Jeremiah 51:20

Go koe dagu haamaa ma dagu laagau hebagi — go koe e balea mai au e oha ai denga huaahenua, go koe e balea mai au e oha ai denga nohoanga hodooligi,

Jeremiah 51:33

Gai e hagadaba Tagi o denga hagabuulinga hebagi, de Maadua o Israel: “Tamaa hine o Babylon e bei de mommee hili huamanu, i de masavaa oona e dagadagahia ai; dono masavaa e hagihagi ai gu dai dae mai donu.”

Daniel 2:35

Denga iron ma gelegele pigi, ma bronze, ma selevaa, aama goolo laa ne maoha i de masavaa daudahi, gai mee laa gu bei gili grain, i de mommee hili huamanu i de masavaa mahanahana, gai de madangi ne ili mee laa gu dee maaleva. Gai de hadu ne doo iho laa ga tugi de mee e bei laa hoolinga o tangada, ne somo ga se mounga laumalie, ga hhao ai henua i lalo alodahi.

Hosea 11:9

Au e dee hagasula naa donu i dogu lili, aabe e huli ange ga oha Ephraim. Go hiidinga au go de Maadua, au e dee se dangada, go de Ia Dabu e noho laa i oodou magavaa. Au e dee hanadu naa donu ma dogu bole.

Joel 2:23

Dangada o Zion, goodou llodo danuaa, ma de malangilangi i Tagi Maolunga doodou Maadua, go hiidinga ia gu gaavadu gi goodou de langi pala, i malama hagaodi o de ngadau i hiidinga dono heohi. Ia ne hai gi pala iho de langi laumalie, i de hagaodi ma taamada o de ngadau, bei denga masavaa gu hulo.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Isaiah 29:19

Gai de gau daudonu e aahe ange naa ga malangilangi i Tagi Maolunga; de gau hagaau aloha e malangilangi naa i de Ia Dabu o Israel.