Isaiah 41:14 - De Beebaa Dabu

¹⁴ De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 41:14 Referans Kwoze

Isaiah 43:14

E hagadaba Tagi Maolunga, doodou Ia Hagaola, go de Ia Dabu o Israel: “Au e aalu naa gi Babylon ga oha mee hagamakaga o denga haitoga ma de hagauda mai de gau Babylon alodahi gu hagadee kii laa, i denga vaga olaadeu e hagassoenga ai laa.

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Psalm 22:6

Aagai au se ilo e dee se dangada, dangada e kino ma de hagangadi mee au.

Jeremiah 50:34

Aagai de ia e hagaola ina gilaadeu e mmahi mmao; dono ingoo go Tagi o denga hagabuulinga hebagi. Ia e bale ange naa donu gilaadeu, gai ia ga hai ai gi nnoho paba delaadeu henua, aagai e hai naa gi dee nnoho paba dangada e nnoho i Babylon.

Psalm 19:14

Haia agu muna e tala ma hagasaele i ogu lodo gi ni mee e hagamalangilangi ina goe, Tagi Maolunga, go koe dogu baba makaga ma dogu Ia Hagaola.

De Beebaa go Job 25:6

gai tangada e kii mai ange donu, ia e bei donu de ilo, tama a tangada, e bei dahi dangaloa!”

De Beebaa go Job 19:25

Aagai au e iloo bolo dogu Ia Hagaola e mouli, gai muli mai naa huu gai ia e duu i honga henua i lalo.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Isaiah 47:4

Demaadeu Ia Hagaola, dono ingoo go Tagi o denga hagabuulinga hebagi, gai go de Ia Dabu o Israel.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Matthew 7:14

Aagai e mada damaa mee de haitoga ma de gasogaso de haiava e hano gi de mouli, gai e sogoisi donu huu e gidee.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Isaiah 59:20

“De Ia Hagaola e humai naa gi Zion, gi daho dangada o Jacob gu daahuli gee laa i olaadeu haisala,” go Tagi Maolunga e hagadaba.

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Romans 9:27

Isaiah ne tala dagodo o Israel: “E dee galemu donu de soa de gau Israel bei de lagolago gelegele i gabugabu tai, gai e sogoisi naa donu huu gilaadeu e ola.

Deuteronomy 7:7

Tagi Maolunga tee hili goodou e aloha adu gi goodou, i hiidinga goodou e soa ange i denga huaadangada ange laa, i hiidinga go goodou hugadoo e sogoisi i denga huaadangada alodahi.

Psalm 46:5

De Maadua e noho i kilaa, de aduhale laa e dee maua naa donu gi baguu; gai de Maadua e bale ange de aduhale laa i de ao de mee.

Psalm 78:35

Gai gilaadeu gu manadua bolo go de Maadua delaadeu baba makaga, gai de Maadua Maolunga Mmao laa go delaadeu Ia Hagaola.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Jeremiah 46:27

Dogu dangada hai hegau go Jacob, aude madagu, gai koe e Israel, aude manavasaa; tilo, au e hagaola naa goe mai i denga mommee mmao, ma oo hagadiilinga mai i de henua olaadeu gu gaavee laa aagena. Jacob e ahe mai naa ga nnoho paba ma de duadonu, gai e deai naa donu se dangada e haia ia gi madagu.

Lamentations 3:57

Koe ne hagabaa mai gi de au i de masavaa aagu ne hagahi adu ai goe; koe ne hai mai, “Aude madagu!”

Daniel 10:12

Gai ia ga hai mai gi de au, “Daniel, aude madagu. Mai i tahi laangi aau ne ssala ai gi donu ange goe ma de hagamaolalo goe i mada luu mada o doo Maadua, gai ia gu langona au muna, gai au ne humai i hiidinga o au muna.

Hosea 11:9

Au e dee hagasula naa donu i dogu lili, aabe e huli ange ga oha Ephraim. Go hiidinga au go de Maadua, au e dee se dangada, go de Ia Dabu e noho laa i oodou magavaa. Au e dee hanadu naa donu ma dogu bole.

Joshua 17:18

aagai de mommee iai mounga e gaavadu donu gi goodou. Se lodo henua donu iainei, gai goodou hulo hagamalaelae ina kilaa alodahi ga kave moodou; gai goodou ga hai ai gi hulo gee de gau Canaan e nnoho i kilaa, e dee galemu donu de hanu olaadeu hada baalanga aama delaadeu mmahi.”

Isaiah 37:4

Kana adu Tagi Maolunga doo Maadua e hagallongo naa muna a de Rabshakeh, go muna a dono dangada aamua, go de hodooligi o Assyria ne hagailoo mai, ma de basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Isaiah 43:3

Go au donu go Iahweh, doo Maadua, de Ia Dabu o Israel, gai go doo Ia Hagaola; au ne gaavange Egypt e hagaola ai goe, gai Ethiopia ma Seba e sui ai goe.