Isaiah 41:11 - De Beebaa Dabu

¹¹ Tilo, dangada alodahi e llili i de goe e dookaa naa ma de hagangadi mee ina; gilaadeu e hai baasi adu gi de goe e hai naa ga deai aama de maakau.

Isaiah 41:11 Referans Kwoze

Exodus 23:22

Aagai noo goodou e hagallongo ange gi ana muna, ga hai mee alodahi aagu e tala adu, gai au e hagadaumee ange naa gi oodou hagadaumee, ma de hai baasi ange gi gilaadeu e hai baasi adu gi goodou.

Isaiah 45:24

Gilaadeu e hagataba naa, ‘Go Tagi Maolunga donu huu e heohi gai e mmahi.’ ” Gilaadeu alodahi e kino i de ia, e loomai naa gi de ia, gilaadeu gu dookaa naa.

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.

Acts 16:39

Gai gilaadeu ga loomai ga dangidangi ange gi gilaau. Gai gilaadeu ga hagassao mai gilaau i lo te hale pono, ga dangidangi ange gilaau gi hulo gee mai i de aduhale.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Exodus 11:8

Gai oo dangada hai hegau nei alodahi e loomai naa ga ino mai gi de au, ga hai mai bolo au gi hano gee mai i kinei, mage gaavee dangada alodahi e daudali mai laa i de au gi hulo ai. Gai dua naa huu mee nei gai au ga hano gee mai i kinei.” Gai Moses ga hano gee mai i daho Pharaoh gu kona mmao dono lili.

Zechariah 12:3

De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

Isaiah 29:8

bei tangada saalohia e midi ange laa bolo ia e noho ma e gaimee, aagai ga alahage huu ia, gai ia goi saalohia donu huu; aabe go tangada hieunu e midi laa bolo ia e noho ma e unu; aagai ia e hieunu dono huu i dono alahage, tigi helui donu dono hieunu. Gai e bei ai hogi dagodo o hagabuulinga soa o denga huaahenua alodahi e hebagi ange laa gi de mounga go Zion.

Isaiah 41:24

Tilo, goodou denga diinonga ni ngadi mee donu oodou hegau e deai donu haigamaiana; gai tangada e hilihilia de daumaha adu gi goodou e hakino gee.

Isaiah 40:17

Denga huaahenua alodahi e bei donu teai i ono daha, gilaadeu e bei donu mee e deai haigamaiana, gai e kii mai ange donu tee haigamaiana.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Isaiah 29:5

Aagai oo hagadaumee soa e bei naa mama o de gelegele, gai de gau daa dangada e loomai nei bei gili grain e ilihia laa ga gaavee gee. Gai e daa hagalele naa donu huu,

Isaiah 29:7

Gai dangada soa o denga huaadangada alodahi e hebagi ange laa gi Ariel, ma de hebagi ange gi de aduhale ga oha ono hale buibui makaga ga duuli luu baasi, e bei naa donu dagodo o dahi midi, ma dahi midi hagaago ange i de boo —

Isaiah 34:12

Ono gau aamua gu deai se mommee alaadeu e hagaingoo ange go de nohoanga hodooligi, gai ono dagi alodahi e llilo naa.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 54:15

Noo dahi dangada e hebagi adu gi goodou, gai e dee go au ne haia de mee nei; gai tangada e hebagi adu gi goodou e magulu naa donu.

Jeremiah 2:3

Israel ne hagadabu ange gi Tagi Maolunga, gai go hua aana ne hagihagi i taamada. Dangada alodahi ne oohaa ina ia gu haisala; gai de hai ngadaa ne duu ange gi gilaadeu, ’ ” go Tagi Maolunga e hagadaba.

Exodus 12:29

Gai lo te madohi boo huu, gai Tagi Maolunga ga daa gu maakau denga dama daane maatua alodahi i honga de henua go Egypt, mai i tama daane madua a Pharaoh e noho laa i honga dono nohoanga, ga dae ai loo gi tama madua a tangada i lo te hale pono, aama dama maatua alodahi a denga manu haangai.

Isaiah 49:25

Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Jeremiah 12:17

Gai noo dahi huaahenua e dee hagallongo mai, gai au e oha naa ga aau gee mai i dono mommee,” go Tagi Maolunga e hagadaba.