Isaiah 40:5 - De Beebaa Dabu

⁵ Gai de mahamaha o Tagi Maolunga e hagasula mai naa, gai dangada alodahi e gidee naa, go hiidinga Tagi Maolunga gu lava i de tala muna nei.”

Isaiah 40:5 Referans Kwoze

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Luke 3:6

Gai dangada alodahi e gidee naa de hagaola a de Maadua!’ ”

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Isaiah 11:9

Gai e deai naa donu se hagammae aabe go de oha i honga dogu mounga dabu alodahi, go hiidinga henua i lalo e honu naa i de iloo mee o Tagi Maolunga, bei de honu o tai i denga lausedi.

Isaiah 58:14

gai koe e malangilangi naa i Tagi Maolunga, gai au e hai naa goe gi gage i honga mommee maolunga o de henua; ma de hagadanuaa i de boolonga o doo dubuna go Jacob.” Go Tagi Maolunga donu ne daalaa muna nei.

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.

Acts 2:17

‘E hagadaba de Maadua: Denga laangi hagaodi naa huu, gai au e hai naa gi hano iho dogu Hagasaalunga gi honga o dangada alodahi. Gai oodou dama daane ma damaa hine e pasa pelaabisi naa; oodou dama daane e midi naa denga midi hagaago ange, gai oodou daane madumaatua e hai naa denga midi.

Isaiah 66:23

Mai i de duu o de maasina i dai ga dae ai gi de ahe ange ga duu, ma mai i dahi Sabbath ga dae ai gi dahi Sabbath, gai dangada alodahi e loomai naa ga daumaha mai gi de au, go Tagi Maolunga e hagadaba.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Zechariah 2:13

Dangada alodahi, goodou gi dee mmuu i mada luu mada o Tagi Maolunga, go hiidinga ia gu daamada ana hegau i dono mommee noho dabu.”

Isaiah 1:20

aagai noo goodou e dee llodo gai e hai oodou hai, gai goodou e daia naa ga maakau i de gadilaasa.” Tagi Maolunga gu tala muna nei.

John 17:2

Koe gu gaavange gi de ia ssauaa i honga o dangada alodahi, gai ia ga gaavange ai de mouli e dee ngado mai gi gilaadeu alodahi aau gu gaavange gi de ia.

Micah 4:4

Gai dahi ma dahi e noho baba naa i lalo dana grapevine aama lalo dana fig, gu deai dangada e hagamaatagu ina gilaadeu, go hiidinga Tagi o denga hagabuulinga hebagi gu lava donu i de tala mee nei.

Jeremiah 9:12

Goai tangada gu heiangi abodonu e donu ange gi de mee nei? Gai goai a Tagi Maolunga gu tala ange mee nei aagena, gi maua ai e ia i de tala de mee nei? Gu aha gu maoha ai nei de henua ma gu ngadi dagodo be se vao, gu deai dangada e hulo laa kilaa?

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Psalm 102:16

Go hiidinga Tagi Maolunga e ahe ange naa ga hagaduu age Zion; ia e hagasula mai naa i dono mahamaha.

Psalm 96:6

De mahamaha ma ssauaa i ono mada i mua; de mmahi ma de mahamaha e hhao dono mommee dabu.

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Jeremiah 32:27

“Tilo, go au go Iahweh, de Maadua o dangada alodahi. E aha, e dahi laa mee daudahi aagu e dee maua i de hai?

Isaiah 66:16

Gai Tagi Maolunga e hagaduasala naa dangada alodahi i de ahi ma dana gadilaasa, gai e soa naa dangada a Tagi Maolunga e daa ga maakau.

Exodus 16:7

Gai taiao daiao goodou e gidee naa de mahamaha o Tagi Maolunga, i hiidinga ia gu langona doodou nnanu i de ia. Gai e dee go gimaau donu oodou e nnanu ange naa aagena.”

Psalm 97:6

De langi e tala bolo ia e heohi, gai dangada alodahi gu gidee dono mahamaha.

Isaiah 34:16

Huugea age de beebaa a Tagi Maolunga, mage daulia: E deai naa donu se manu nei e dee maleva, de manu nei ma dono soa, go hiidinga ia gu lava donu i de tala muna nei, gai dono Hagasaalunga gu hagabuni mai gilaadeu.

Isaiah 40:4

Haaoa age denga geelonga alodahi, gai uluhia denga mounga ma duuduu alodahi; gai hagassoea mommee e pigo, gai haia gi baba mommee haduhadua.

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.

1 Kings 14:11

Dangada alodahi i de huaabodu o Jeroboam e maakau laa i lo te aduhale, e gaina naa e denga gaaduu; gai ono dangada e maakau i tua de aduhale, e gaina naa e denga manu llele, go hiidinga Tagi Maolunga gu lava i de tala mee nei.’

Psalm 102:17

Ia e basa ange naa gi dalodalo a de gau hagaau aloha, gai ia e dee hagangadi mee alaadeu dangidangi.

Isaiah 26:15

Tagi Maolunga, koe e hai ma gu kii ange de laumalie de huaahenua, koe e hai ma gu kii ange de laumalie age de huaahenua. Koe gu hagamahamaha goe i daho dangada; koe gu hagatolo gi daha goinga alodahi o de henua.

Isaiah 66:18

Gai au e iloo dagodo o alaadeu hegau ma maanadu i olaadeu lodo; gai e dae mai naa de masavaa e hagabuni mai ai denga huaahenua alodahi ma dangada e pasa i muna henua gee. Gai gilaadeu e loomai naa ga gidee dogu mahamaha.