Isaiah 40:4 - De Beebaa Dabu

⁴ Haaoa age denga geelonga alodahi, gai uluhia denga mounga ma duuduu alodahi; gai hagassoea mommee e pigo, gai haia gi baba mommee haduhadua.

Isaiah 40:4 Referans Kwoze

Luke 3:5

Haaoa age denga geelonga alodahi, gai uluhia denga mounga ma duuduu alodahi. Gai hagassoea denga mommee pigo, gai haia gi baba denga mommee haduhadua.

Ezekiel 21:26

Gai e hagadaba de Ia Aamua go Iahweh: Daalaa de goobai malo, gai hagauia de hau hodooligi. Mee alodahi e dee hai naa donu bei mee i mua: de gau maolunga e hai naa ga maolalo, gai de gau maolalo e hai naa ga maolunga.

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Isaiah 45:2

Au e hano naa i oo mada i mua ga ulu iho denga mounga; gai au e oha naa denga haitoga bronze, ma de duuduu olaadeu baalanga hagamakaga.

Ezekiel 17:24

Gai denga manu ssomo alodahi i lo te duu malaelae e iloo naa bolo go au go Iahweh; go au ne sele ina iho denga manu ssomo lloa, gai ne hai denga manu e paa i lalo gi ssomo gi lloa, ma de hai gi mmae denga manu lau kohu, gai ga hai denga manu gu mmae laa gi ssomo danuaa. Go au donu go Iahweh ne daalaa muna nei, gai au e hagassula naa donu mee nei.’ ”

1 Samuel 2:8

Ia e hagahiihidi age de gau hagaau aloha i lo te gelegele, ma gilaadeu e duasala mai i lodo lehu; ga hai gilaadeu gi nnoho madali denga dagi aama de gaavange gi gilaadeu denga duulanga hagadubu. Dagelo o henua i lalo alodahi ni mee nii Tagi Maolunga, gai go ia ne hagaduulia ange henua i lalo gi olaadeu elunga.

Isaiah 42:11

Lodo henua ma ono aduhale gi daahili, gai denga aduhale vaaligiligi o de gau Kedar e nnoho ai gi malangilangi. Dangada o Sela gi daahili i delaadeu lodo danuaa, gilaadeu gi hevaalogi i ulu denga mounga.

Proverbs 2:15

gai olaadeu haiava e pigo, gai gilaadeu e hai hegau i de hagasenga.

Isaiah 40:3

De leo o dahi e oo ma e hagadaba: “Hagadabena ina de haiava o Tagi Maolunga i lodo henua; hagasoea de haiava laumalie o taadeu Maadua i de vao.

Isaiah 40:5

Gai de mahamaha o Tagi Maolunga e hagasula mai naa, gai dangada alodahi e gidee naa, go hiidinga Tagi Maolunga gu lava i de tala muna nei.”

Isaiah 49:11

Au e ulu iho naa agu mounga ga hai gi ni haiava, gai agu haiava nnui e hhao age naa.

Zechariah 4:7

De mounga laumalie, go koe goai? Zerubbabel e hai naa goe ga bei de mommee e soe laa. Gai ia e gaamai naa tuludulu o de logunga, gai dangada e oo naa ga hagataba, ‘Ia gi hagamanuuia ina de hadu! Ia gi hagamanuuia ina de hadu!’ ”

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.