Isaiah 40:31 - De Beebaa Dabu

³¹ aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Isaiah 40:31 Referans Kwoze

2 Corinthians 4:16

Deenei ai, gidaadeu gi dee llodo baageaa. Gai ga hagadaga iho naa donu odaadeu angaanga nei, gai odaadeu lodo e hagahoou i laangi alodahi.

Psalm 103:5

Ia e hagadanuaa goe i denga mee danuaa, deelaa ai, koe e ahe ange ga mmahi bei de igele.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

Galatians 6:9

Gidaadeu gi dee llodo baageaa i de hai tanuaa: go hiidinga gidaadeu e hagihagi naa donu hua o adaadeu hegau i de masavaa heohi, noo e dee duugia odaadeu lodo.

Romans 8:25

Aagai noo gidaadeu e tali hagalodolodo ange gi mee adaadeu tigi gidee, gai gidaadeu e tali mee nei i de golomagi lodo.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Psalm 84:7

Gilaadeu e hagadagadaga ange de mmahi; gilaadeu e tuu naa i mada i mua o de Maadua i Zion.

Psalm 37:34

Daalia ange Tagi Maolunga ma de daudali i dono haiava. Gai ia ga hagaamua goe, ga hai goe gi henua i de henua; gai koe e gidee naa de maakau o de gau baubau.

Luke 18:1

Iesu ne tala ange hogi dahi mee hagasengasenga gi ana dangada agoago, e hagammahi ange ai gilaadeu gi dalodalo i masavaa alodahi gai gi dee baageaa olaadeu lodo.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Psalm 138:3

De masavaa aagu ne hagahi adu ai goe, gai koe ne basa mai gi dagu dangidangi; koe ne hai au gi lo taane ma de lodo mmahi.

Psalm 25:5

dagina ngau i de mee abodonu ma de agoago mai ai au, i hiidinga go koe dogu Maadua ma dogu Ia Hagaola; go koe dagu tali hagalodolodo i laangi alodahi.

Psalm 25:3

Gai gi deai donu se dangada e daalia adu goe e dogaa; aagai haia gi dookaa gilaadeu e hai baasi adu gi de goe i teai hiidinga.

Exodus 19:4

‘Goodou gu gidee dagu hai ne hai ai de gau Egypt, aama dagu hai ne hagauda ai goodou i honga luoogu bakau bei de igele, ga gaamai goodou gi ogu daha i kinei.

Hebrews 12:3

Goodou manadua dagodo de golomagi mmao ono lodo, i de masavaa o de gau baubau ne hai baasi ange ai gi de ia, gi dee helui ai oodou llodo aabe gi lodo baageaa.

De Beebaa go Job 17:9

Gai tangada heohi e daudali naa i de mee heohi, gai tangada gilimalali e hagadaga ange naa de mmahi.

Psalm 40:1

Au ne golomagi ogu lodo ga tali ai Tagi Maolunga; gai ia ne hagabaa mai ga hagallongo dagu dangi.

Revelation 2:3

Koe ne hagaduu ngae ga golomagi oo lodo ma de lodo mmahi i de hagaduasala i hiidinga o dogu ingoo, koe tee ahe donu doo lo taane.

Psalm 25:21

De hai hegau i de mee abodonu ma de heohi gi buibuia ngau, i hiidinga go koe dagu tali hagalodolodo.

Psalm 123:2

Tilo, gimaadeu e bei de gau hai hegau e daumada ina laa delaadeu ia aamua, ma de hine hai hegau e daumada ina laa dono hahine aamua; e bei ai hogi, gimaadeu e daumada Tagi Maolunga, demaadeu Maadua, ga dae ai gi dono degi mai gi gimaadeu.

Zechariah 10:12

Au e hai naa gilaadeu gi mmahi i de ingoo o Tagi Maolunga gai gilaadeu e seesee naa i dono ingoo,” go Tagi Maolunga e hagadaba.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Psalm 92:13

Gilaadeu e doo i lo te hale o Tagi Maolunga, gilaadeu e ssomo danuaa i lodo buibui o taadeu Maadua.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

Judges 16:28

Gai Samson ga dalodalo ange gi Tagi Maolunga, ga hai ange, “Dogu Ia Aamua go Iahweh, aude haihaia, manadua mai au. De Maadua, aude haihaia hagaahea mai ogu mmahi i de hanonga nei, gai au ga sui ange mee a de gau Philistia ne hai ange gi luoogu hadu mada.”

Psalm 92:1

Se mee danuaa de tuhi Tagi Maolunga, ma de tuhi doo ingoo i taahili, de Ia Maolunga Mmao laa,

Song of Songs 8:5

Goai de hine e hannagi ange nei gi dono dau sao ma e loomai ai gilaau i de vao? Au ne hhango goe i lalo de apple; go kilaa a doo dinana ne hai dama ai i de goe, go kilaa ne hai ai ono hagalangona ga haanau ai goe.

Revelation 4:7

Tahi mee mouli laa e bei dagodo o de laiono, de lua e bei de kaau daane, gai luu mada o tolu e bei luu mada o tangada, gai de haa e bei de igele e lele laa.

Revelation 12:14

Aagai gu gaavange gi de hine laa e lua bakau o de igele laumalie, gi maua ai e ia i de lele e hano gee mai i de labodo laa ga hano gi de vao, i dono mommee e diiloo ange ai i e dahi ngadau, ma e lua ngadau, aama e dahi bido ngadau.

Deuteronomy 32:11

Ia e bei dagodo o de igele e aheahe saele laa i honga dono hoohanga, ma e hagaloosi ange ai ana dama, ia e doha luoono bakau e sigo ai gilaadeu ga hagauda ai gilaadeu ga kave.

Isaiah 41:1

Denga mommee i tagudai, goodou nnoho mage dee muu! Gai denga huaadangada alodahi gi haia gi mmahi gilaadeu. Gilaadeu gi hagapaa mai gi daalaa alaadeu muna; gai gidaadeu ga hagabuni e hagamodu.

Isaiah 64:4

Mai madagidagi gai dangada tigi langona, be gu tonu ange aagena, aabe gu gidee dahi Maadua bei oo dagodo, ia e balea ange gilaadeu e daalia ange ia.

Jeremiah 48:15

Gai Moab gu oha ma gu maoha, ono aduhale gu kage mai aagena denga daane hebagi, gai ono dama daane mmahi e daia naa ga maakau, go de Hodooligi e hagadaba, gai dono ingoo go Tagi o denga hagabuulinga hebagi.

Deuteronomy 33:25

Mee e hagamakaga ai oo haitoga e hai i iron ma bronze, oo mahi e duudagi naa donu huu i taulooloa doo mouli!

Joshua 14:11

Anailaa nei gai au goi mmahi huu bei de laangi a Moses ne hai ai au gi hano; ogu mahi e hebagi ai iainei bei donu huu de masavaa i mua.

Psalm 20:9

Tagi Maolunga, hagaola ina de hodooligi, gai basa mai gi gimaadeu i demaadeu hagaagahi.

Psalm 84:8

Tagi Maolunga, de Maadua o denga hagabuulinga hebagi, hagalaangona dagu dalodalo; de Maadua o Jacob, hagalaangona! Selah

Proverbs 30:19

go dagodo o de igele i lo te langi i lunga, ma dagodo o de labodo i honga dahi hadu, ma dagodo o de vaga i honga de moana, aama dagodo o taane madali dahi damaa hine.

Isaiah 30:15

E hagadaba de Ia Aamua go Iahweh, de Ia Dabu o Israel, “Noo goodou e daahuli mai oodou lodo gi de au ga hagammabu i ogu daha, gai goodou e ola; i hiidinga go doodou hagammabu ma de hagadonu au oodou e mmahi ai. Aagai goodou e dee llodo.