Isaiah 40:26 - De Beebaa Dabu

²⁶ Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Isaiah 40:26 Referans Kwoze

Isaiah 51:6

Goodou kalo age diiloo lo te langi, ma de tilo honga henua i lalo; de langi e lilo naa bei de useahi, gai henua i lalo e hano naa ga duai bei de malo, gai dangada i kilaa e maakau naa bei denga lango. Aagai dagu hagaola e dagodo naa donu huu ga hano ai, dogu heohi e dee maoha naa donu.

Isaiah 48:13

Go luoogu lima ne haia henua i lalo, gai dogu lima madau ne hhola de langi; de masavaa aagu ne hagahi ai luu mee nei, gai gilaau ga tuu age i ogu mada i mua.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

Isaiah 34:16

Huugea age de beebaa a Tagi Maolunga, mage daulia: E deai naa donu se manu nei e dee maleva, de manu nei ma dono soa, go hiidinga ia gu lava donu i de tala muna nei, gai dono Hagasaalunga gu hagabuni mai gilaadeu.

Psalm 19:1

De langi e hagaago mai de mahamaha o de Maadua; mee i lo te langi e tala dagodo ana hegau ne hai.

Deuteronomy 4:19

Goodou kana ange hogi gi dee kalo age goodou gi lo te langi ga gidee de laa ma de maasina, aama denga heduu, go mee alodahi i lo te langi, gai goodou gu llodo e daumaha ange ma de hai hegau ange gi gilaadeu, go mee a Tagi Maolunga doodou Maadua gu gaavange gi dangada alodahi i henua i lalo.

Psalm 102:25

Koe ne hagadagodo tagelo o henua i lalo i taamada age, gai de langi go koe ne haia i luoo lima.

Genesis 1:16

Gai de Maadua ga hai e lua mee hagamaalama nnui: de mee hagamaalama laumalie e hagamaalama ai de laangi, gai de mee hagamaalama damaa mee e hagamaalama ai de boo. Ia ne hai hogi denga heduu.

Psalm 121:1

Au e dangage age ga galo age gi denga mounga. Go hee e humai ai dogu bale?

Isaiah 48:12

Jacob, noho mai hagalaangona agu muna, Israel, de ia aagu ne hagahi: go au donu deenei; go au taamada, gai go au de hagaodi.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Genesis 1:14

Gai de Maadua ga hagadaba, “Gi hanu mee hagamaalama i lo te langi i lunga, e vvae ai de laangi ma de boo, gai mee nei ga hagailonga ai denga masavaa, ma laangi aama ngadau.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Psalm 119:91

Gai mee nei e tuu donu anailaa nei bei dau hai gu hagamodu ai; go hiidinga mee alodahi e hai hegau adu gi de goe.

Isaiah 45:12

Go au donu ne haia henua i lalo, ga hagadau dangada e nnoho ai. Go luoogu lima ne hoolaa de langi, ma de tala ange gi mee i lo te langi alaadeu mee e hai.